سەرنووچە:

پارلەمانێ عێراقێ بۆ پەسەندکرن و خواندنا چەند پرۆژە یاسایان دەست ب جڤینێ کر

فۆتۆ: 
2019-04-17

194 جار خوێندراوەتەوە

پارلەمانێ عێراقێ ئەڤرۆ د خولا دووەما یاسادانانا خوە دا روونشتنا یازدەمینا  خوە کر و بریارە خواندنێ بۆ چەند پرۆژە بریارەکێ بکەت.

ژێدەرەکێ پارلەمانێ عێراقێ ئەڤرۆ چارشەمبیێ ١٧ێ نیسانا ٢٠١٩ێ بەلاڤکر، جڤین ب سەرۆکاتیا محەمەد حەلبووسى سەرۆکێ پارلەمانێ ب رێڤە دچە و بریارە دەنگدان ل سەر پرۆژە یاسایا ئیدارە و داراییێ و گۆتوبێژکرن ل سەر پرۆژە یاسایا دەستەیا راگەهاندن و پەیوەندیان بهێتە کرن

د خشتەیا کارێ پارلەمانێ ئەڤرۆ دا خواندنا یەکێ بۆ پرۆژەیاسایا دەستەیا بلند یا دەریاڤانیا عێراقێ و پرۆژە یاسایابوون ب ئەنداما عێراقێ د رێکەتنا بەنکیا وەبەرهێنانا ئاسیایێ بۆ ژێرخانەیا عێراقێ دهێتە کرن.

د هێتە چاڤەرێکرن د جڤینا ئەڤرۆ یا پارلەمانێ دا ل سەر پرۆژە یاسایا باژارێ پیشەسازیێ و راپۆرت و گۆتوبێژا پرۆژە یاسایا راستڤەکرنا یەکەما یاسایا نەزاهەیا هەژمارە٣٠ یا سالا ٢٠١١ گۆتوبێژ بهێتە کرن.

ب سەدەما ئالوزیێن ئالیێن سیاسى بەشداربوویێن پرۆسەیا سیاسیا عێراقێ ل سەر تژەکرنا چەند وەزارەتەکێن هەستیار، هەیا نها پۆستێن وەزارەتێن بەرەڤانی، ناڤخوە و داد د کابینەیا عادل عەبدولمەهدى نەهاتنە تژەکرن و چەند جارەکان بریار بوویە دەنگدانێ ل سەر تژیکرنا وان پۆستان بدەن لێ هەیا نها چ دەم بۆ تژەکرنا وان پۆستان نەهاتنە دیار نەکرن.

م.س