سەرنووچە:

ئەمریکا دێ ١٠٠ ملیۆن دۆلاران ب عێراقێ دەت

فۆتۆ: 
2019-04-15

192 جار خوێندراوەتەوە

ئەمریکا دێ ١٠٠ ملیۆن دۆلاران ب عێراقێ دەت بۆ پاراستنا ڕەوشا ئەولەهیا دەڤەرێن تازە هاتین کۆنترۆلکرن.

جۆی هود نوینەرێ بالیۆزخانەیا ئەمریکا ل بەغدا ڕاگەهاند، حکومەتا ئەمریکا دگەل کۆنگرێسێ کاردکەن ژبۆ کو کۆژمێ وی پارەی زێدە بکەن، بۆ هەڤکاریکرن و دانانا ئاسایش و ڤەگەڕاندنا ئەولەهیێ بۆ دەڤەرێن تازە هاتین کۆنترۆلکرن.

جۆی هود ڕاگەهاند ژی، ئاژانسا ئەمریکا بۆ گەشەپێدانا ناڤدەولەتی، دێ وی کۆژمێ پارەی ڕادەستی پشکا مرۆڤی یا نەتەوەیێن هەڤگرتی کەت، بۆ هەڤکاریکرنا عێراقێ.

بەحسا وێ یەکێ ژی کر، ئەمریکا و عێراق پێگیرن ب دروستکرنا ڕەوشەکا ئارام بۆ ڤەگەڕاندنا ئاوارەیان بۆ سەر جهێن وان و ئاڤاکرنا ژیانەکا نوو.

ئەڤە دەمەکێ دایە، د دەمێن دەربازبوویی دا ژ ئالیێ چەند پارلەمانتارن ڤە کار بۆ وێ یەکێ دهات کرن کو پرۆژە یاسایەکێ بۆ دەرخستنا هێزێن ئەمریکایێ د عێراقێ دا بدەنە پارلەمانی.

س.م