سەرنووچە:

عێراق: رێژەیا توشبوویێن ئایدزێ زێدە بوویە

جوودا ژ سالا ٢٠١٧ێ
فۆتۆ: 
2019-04-14

219 جار خوێندراوەتەوە

وەزارەتا ساخلەمیا عێراقێ ئاشکرا کر، سالا دەرباسبووى ٢٢٤ حالەتێن توشبوونێ ب نەخوەشیا ئایدزێ هاتنە تۆمارکرن، رێژەیێ ژى دوو هند هەڤبەریکرن دگەل سالا ٢٠١٧ێ دا زێدە کریە.

بەهجەت عەبدولرەزا رێڤەبەرێ ناڤەندا نیشتمانى بۆ ئایدزێ د وەزارەتا ساخلەمیێ دا راگەهاند، رێژەیا توشبوونا زەلامان زێدەترە ژ یا ژنان ب ئاوایەکێ کو د سالا ٢٠١٨ێ دا ٢٠٢ زەلام توشى نەخوەشیا ئایدزێ بوونە و رێژەیا ژنان ٢٢ حالەت بوونە و هەیا کو سالا دەرباسبووى هەژمارا توشبوویان د عێراقێ دا گەهشتیە ٣٧٧ توشبوویان.

بلندبوونا رێژەیا توشبوویێن ئایدزێ د دەمەکێ دایە د سالا ٢٠١٧ێ دا تەنێ ٩٦ حالەتێن توشبوویێن ب وێ نەخوەشیێ هاتنە تۆمارکرن.

لگور راپۆرتا رێکخراوا ساخلەمیا جیهانى ل وەلاتێن رۆژئاڤایێ توشبوویێن ئایدزێ بەرەڤ کێمبوونێ نە ب سەدەما بەلاڤکرنا هشیاریێ و نەبوونا جهێ کۆمەلایەتى ب بێ مۆلەت، لێ بەرۆڤاژى ل وەلاتێن ناڤەراستێ ب سەدەما کێمیا هشیاریێ، نەبوونا چاڤدێریا ساخلەمیێ، شەر ، وێرانکاریێ و ئاوارەبوونێ، ب ئاوایەکێ بەربەلاڤ ئایدز زێدەبوویە.

م.س