سەرنووچە:

بالیۆزخانەیا ئەمریکا: بەغدا داخوازێ ژ مە بکەت، دێ ل عێراقێ دەرکەڤین

فۆتۆ: 
2019-04-10

304 جار خوێندراوەتەوە

بالیۆزخانەیا ئەمریکایێ ل بەغدا بەحسا ڤەکێشانا هێزێن خوە ل عێراقێ کر و گوت، هێزێن ئەمریکایێ ل سەر خواستا عێراقێ مانە.

د کۆنفرانسەکا رۆژنامەڤانیێ دا جۆى هوود رێڤەبەرێ کارۆبارێن ئەمریکایێ ل بەغدا، د بەرسڤا پرسیارا پەیامنێرێ ئێن ئار تى دا دەربارێ گۆتوبێژا پارلەمانێ عێراقێ ل دۆر ڤەکێشانا هێزێن بیانى ل عێراقێ و ب تایبەت هێزێن ئەمریکایێ راگەهاند، " هێزێن ئەمریکایێ ل سەر داخوازا عێراقێ ل دەڤەرێ یە و هەر دەما کو ب فەرمى داخواز کر، وەلاتێ وان بجهـ بهێلین، ئەم ژى دێ بجهـ هێلین".

هەروەسا جۆى هوود راگەهاند، " هێزێن مە هەڤکارێن عێراقێ نە و داگیر کەر نینن، ئەگەر ئەم ڤەکشین، هەڤپەیمانێن مە ژى دڤەکێشن و زرار ب عێراقێ دکەڤە، لێ هێزێن سیاسى یێن عێراقى د گەل ڤەکێشانا هێزێن مە نین.

ئەو یەک ژى دازانین، " ئەڤ پێشکەفتنا نها د ناڤبەرا حکومەتا هەرێمێ و حکومەتا عێراقێ دا هەیە، د دەما دەهـ سالێن دەربازبووى دا ئەڤ پێشکەفتنە نەبوویە".

دەربارێ ئارتێشا ئیرانێ کو کرنە ناڤا لیستا تیرۆرێ دا، راگەهاند، " ئاسایە کو وەلاتیێن عێراقێ پەیوەندى ب ئیرانێ هەبیت، لێ یا ئاسایى نینە پەیوەندى ب ئارتێشا ئیرانێ هەبیت".

دەما چەند مەهانە هەژمارەک ژ هێزێن سیاسى یێن شیعییان د ناڤا پەرلەمانێ عێراقێ دا پرۆژە بریارەک پێشکێشى پارلەمانێ عێراقێ کریە، ژبو کو ببە یاسا و ب وێ رێیێ هێزێن ئەمریکایێ پێ بهێتە دەرێخستن.

م.س