سەرنووچە:

عادل عەبدولمەهدی: مە داخواز ژ ئەمریکایێ کر، بڕیارا دژی سوپایا پاسداران رابگریت

فۆتۆ: 
2019-04-10

205 جار خوێندراوەتەوە

سەرۆک وەزیرێ عێراقێ دازانین، وان داخواز ژ ئەمریکایێ کر، بڕیارا دژی سوپایا پاسداران کو وەکی سازیەکا سەربازی یا تیرۆریست دابووناساندن رابگریت و ئەو بریار ژی وەکی بریارەکا نەباش ب ناڤ کر.

رۆژا سێشەمبی ٩ێ نیسانا ٢٠١٩ێ عادل عەبدولمەهدی سەرۆک وەزیرێ عێراقێ د کۆنفرانسەکا رۆژنامەڤانی دا دازانین، عێراق هەول ددە پەیوەندیێن خوە بکاربینە داکو پەیوەندیێن ئیران و ئەمریکایێ ژ ڤێ زێدەتر تێک نەچن و عێراق دێ هەول بدە هەڤرکیان بدە سەکناندن.

عەبدولمەهدی گۆت:" عێراق گرێدایی پاراستنا ئەولەهی و ئاسایشا خوە و جیرانێن خوە یە، ناخوازە هەڤرکی ل سەر ئاخا وێ چێببن، ژ بەر کو ب درێژاهیا ٢٠ سالێن دەرباسبوویی چ وەلاتەک ب قاسی عێراقێ راستی شەر و هەڤرکیان نەهاتیە.

سەرۆک وەزیرێ عێراقێ دیار کر، دەرباسکرنا سنورێن هەڤدوو، زرارێ ل هەردوو ئالیان ددە، ئیران و ئەمریکا ژی پلانێن هەڤدوو باش دزانن، عێراق ژی دێ هەولا ئاساییکرنا رەوشێ بدە و نابە بەشەک ژ هەڤرکیان.

رۆژا ٨ێ نیسانا ٢٠١٩ێ دۆناڵد ترەمپ سەرۆکێ ئەمریکایێ راگەهاند، سوپایا پاسداران یا ئیرانێ پشکداریێ د چالاکیێن تیرۆریستی دکە و وەکی هێزەکا لەشکەری یا تیرۆریست ب ناڤ کر.

هـ.ج