سەرنووچە:

خامنەیى داخوازا دەرخستنا هێزێن ئەمریکایێ ژ عەبدولمەهدى کر

فۆتۆ: 
2019-04-06

164 جار خوێندراوەتەوە

عەلی خامنەیی رێبەرێ بلند یێ شۆرەشا ئیسلامی یا ئیرانێ د ھەڤدیتنەکا دگەل عادل عەبدولمەھدی دا داخواز کر، ب زووترین دەم ھێزێن ئەمریکیان ل عێراقێ دەربخن.

میدیایێن ئیرانێ بەلاڤکر، ئێڤاریا ئەڤرۆ یا شەمبیێ ٦ێ نیسانا ٢٠١٩ێ د جڤینەکا شاندا بلند یا عێراقێ دا ب سەرۆکاتیا عادل عەبدولمەھدی سەرۆک وزیرێ عێراقێ دگەل عەلی خامنەیی رێبەرێ بلند یێ شۆرەشا ئیسلامی یا ئیرانێ، ناڤبری داخواز ژ شاندێ عێراقێ کر ھێزێن ئەمریکیان دربخن، ژبەرکو مانا وان زێدەتر باندورێ ل دەڤەرێ دکەت و زێدەتر مانا وان ل ھەر وەلاتەکێ دبە سەدەم کو دەرخستنا وان درەنگتر بیت.

ھەڤدەم د وێ ھەڤدیتنێ دا عادل عەبدولمەھدی سوەرۆک وەزیرێ عێراقێ دازانین، وەلاتێ وان نابە بەشەک ژ سزایێن ئابوری یێن ئەمریکایێ و ل دژی ئیرانێ ژی کارناکەن.

عادل عەبدولمەھدی سەرۆک وەزیرێن عێراقێ ب سەردانەکا دوو رۆژی گەھشتە ئیرانێ و دگەل سەرۆک کۆمارێ ئیرانێ جڤیان و رێکەتن ل سەر ئاڤاکرنا سێ دەڤەرێن پیشەسازیێ یێن ھەڤبەش کو یەک ل ھەرێما کوردستانێ دبە.

م.س