سەرنووچە:

​ل کەرکوک و پێنج پارێزگەهێن عێراقێ رەوشا ئاوارتە هاتە راگەهاندن

ب سەدەما رابوونا لەهیان
فۆتۆ: 
2019-04-02

207 جار خوێندراوەتەوە

ب سەدەما ئەگەرا رابوونا لەهیان، حکومەتا عێراقێ ل کەرکوک و پێنج پارێزگەهێن دن رەوشا ئاوارتە راگەهاند.

عەقیل خزعەلی بریکارێ وەزارەتا ناڤخوەیا عێراقێ راگەهاند، تێ پێشبینیکرن بارانێن خورت ببارن و لەهی رابن، ژ بەر وێ یەکێ ل پارێزگەهێن، کەرکوک، موسڵ، سەلاحەدین، دیالە، واست و میسانێ رەوشا ئاوارتە هاتیە راگەهاند.

هەڤدەم ئیدارەیا پارێزگەهان و تیمێن شارەداریان د ئامادەباشیێ دانە و د دەما رابوونا لەهیان دا دێ ئالیکاریا وەلاتیان بکن.

بەشەک ژ ئاکنجیێن گوندێن کو دکەڤن سەر روبارێ دیجلەیێ ل پارێزگەهێن سەلاحەدینێ، ژ بەر مەترسیا رابوونا لەهیان ژ بۆ ناڤچەیێن دن هاتنە ڤەگوهاستن.

چەند رۆژن پێلەکا بارانەک خورت هەرێما کوردستان و عێراقێ ڤەگرتیە و رۆژا یەکشەمبیا دەرباسبوویی، فەلاح جەزائیری پارێزگارێ بەغدایێ، رەوشا ئاوارتە راگەهاندبوو.

هـ.ج