سەرنووچە:

کۆمسیۆنا عێراقێ دێ کارمەندێن نوو دامەزرێنیت

ل کوردستانێ دێ ٧٠٠ کەسان دامەزرێنن
فۆتۆ: 
2019-03-31

374 جار خوێندراوەتەوە

جێگرێ سەرۆکێ کۆمسیۆنا هەلبژارتنێن عێراقێ راگەهاند، لگور پێتڤیا بنگەهێن کۆمسیۆنێ کارمەند دهێنە دامەزراندن و ل هەرێما کوردستانێ ژى دێ زێدەتر ژ ٧٠٠ کەسان دامەزرێنن.

رزگار حاجى جێگرێ سەرۆکێ کۆمسیۆنا بلند یا هەلبژارتنێن عێراقێ ب مالپەرا فەرمیا پارتى راگەهاند، دامەزراندنا وان کەسان دێ لگور گرێبەستێ بیت و و زێدەتر وان کەسان دامەزرێنن کو بەریا نها کار بۆ کۆمسیۆنێ کریە.

ناڤبرى گوت ژى، شاندەکێ کۆمسیۆنێ ل هەرێما کوردستانێ بۆ دامەزراندنا کارمەندان و هەمى ئەو ناڤێن ب مەرەما دامەزراندنێ هاتینە تۆمارکرن خرڤەدکەن و پشترە لگور مەرجان دێ هێنە جوداکرن، بریار ل سەر وێ یەکێ دهێتە دان ب گرێبەست ب دامەزرێنن.

هەروەسا دازانین، بۆ دامەزراندنا وان کەسان پشت ب وێ بودجەیێ گرێ ددەن کو ژ ئالیێ حکومەتا عێراقێ بۆ دامەزراندنا کارمەندێن کۆمسیۆنێ هاتیە دیاری کرن.

هەروەسا جێگرێ سەرۆکێ کۆمسیۆنا بلند یا هەلبژارتنێن عێڕاقێ زەلال کر، رێژەیا دامەزراندن ژ پارێزگەهێن دن یێن عێراقێ زێدەترە ژ پارێزگەهێن هەرێمێ چونکى بریارە ئەڤ سالە هەلبژارتنا جڤاتا پارێزگەهان برێڤە بچیت و ئامادەکاریان بۆ وێ هەلبژارتنێ دکەن.

م.س