سەرنووچە:

عێراق: ولاتێن عەرەبى دژى هەبوونا سوپایێ تورکیایێ نە د ئاخا عێراقێ دا

فۆتۆ: 
2019-03-29

276 جار خوێندراوەتەوە

وەزیرێ دەرڤە یێ عێراقێ  ئەڤرۆ ڕۆژا ئەینى ٢٩ێ ئادارا ٢٠١٩ێ ئاشکرا کر، هەلویستەکێ عەرەبی یێ یەکگرتى دژى هەبوونا هێزین تورکیایێ ل سەر ئاخا عیراقێ هەیە.

ئەحمەد سەفاح پەیڤدارێ وەزارەتا دەرڤە یا عێراقێ ڕاگەهاند، ئامادەکاریێن وەزیرێن دەرڤە یێن عەرەب د کونگرەیێ کوپیتکى یێ عەرەبى ل تونسێ ئەڤرۆ دەستپێکر ، محەمەد حەکیم وەزیرێ دەرڤە یێ عێراقێ وەکى نۆنەرێ عێراقێ پشکدارى تێدا کر.

مالپەرێ سپوتنیک یێ رۆسى ژ زارێ پەیڤدارێ وەزیرێ دەرڤەیێ عێراقێ بەلاڤکریە، وەزیرێ دەرڤە یێ عێراقێ د جڤینێ دا دایە زانین، سەروەریا ئاخا عێراقێ دێ سەرپشکا هەلویست و گوتاران بیت، هەلویستەکی عەرەبی یێ یەکگرتى ژى هەیە کو هێزێن تورکیایێ ل سەر ئاخا عێراقێ ڕەت دکەن.

هەر د جڤینا وەزیرێن دەرڤە یێن کومکارا عەرەبی ب هەمى ئاوایەکێ تیرۆر و درۆشم و ژێدەرێن وان هزران ڕەت دکەن.

ئەو گوتنێن وەزیرێ دەرڤەیێ عێراقێ د دەمەکی دانە کو سوپایێ تورکیا ل چەند دەڤەرین هەرێما کوردستانێ ب ئاشکرا بارەگەهێن خۆ یێن سەربازى هەنە و هەروەسا ل نێزیکى موسلی ژى ل ناحیا باشیکێ هێزین خۆ بنەجهکرنە.

م.ن