سەرنووچە:

ئەبوبەکر بەغدادی ب چ پلانەکێ خۆ ڤەشارتیە؟

ئەبوبەکر بەغدادی سەرۆکێ ڕێکخراوا داعشێ
فۆتۆ: ئەرشیڤ
2019-03-27

1335 جار خوێندراوەتەوە

پشتی بێهێزبوون و کۆنترۆلکرنا پڕانیا دەڤەرێن داعشێ ل عێراق و سوریایێ، ئەبوبەکر بەغدادی سەرۆکێ ڕێکخراوا داعشێ پشتا خۆ ب "ستراتیژیا هۆشیار یا تەکنەلۆژیایێ" گرێددەت، ژبۆ کو خۆ ژ دەزگەهێن ئیستیخباراتی ڤەشێریت.

ڕۆژنامەیا وۆل ستریت جۆرنال یا ئەمریکی بەلاڤکر، بەغدادی بتەمامی خۆ ژ بکارئینانا تەکنەلۆژیا و ڕێکێن پەیوەندیکرنێ دورخستیە و کارێن خۆ ژی ب ڕێکا چەند کەسێن نێزیکی خۆ دکەت، چ ئامیرەیەکێ بکارنائینیت.

بەحسا وێ یەکێ ژی کر، بزاڤێن بەغدادی بۆ خۆ پاراستنە ژ دەزگەهێن ئیستیخباراتیێن دەڤەرێ و جیهانی.

ئەو یەک ژی دایەزانین، د هاتنوچوونێن خۆدا ژی بتنێ تڕۆمبێلەکا سادە بکاردئینیت و گەلەک زێرەڤان دگەل دا نینە، ژبۆ کو ئاشکرا نەبیت.

ئەبوبەکر بەغدادی سەرۆکێ ڕێکخراوا داعشێ د دەما چار سالێن بووری دا کێمترین دەرکەفتن و داخویانی هەبوونە و تنێ د دەما گرتنا باژارێ موسلێ دا ل مزگەفتا نور یا وی باژاری دا دەرکەفت و دامەزراندنا  "دەولەتا خیلافەتێ" ڕاگەهاند.

س.م