سەرنووچە:

دادگەها نەینەوایێ بریارا دەستەسەرکرنا پارێزگارێ بەرێ یێ نەینەوایێ دا

فۆتۆ: 
2019-03-27

311 جار خوێندراوەتەوە

دادگەها نەینەوایێ ژ بەر بوویەرا بنئاڤکەتنا بەلەمەکێ ل موسلێ بریارا دەستەسەرکرنا پاریزگارێ بەرێ یێ نەینەوایێ دا.

ئەڤرۆ چارشەمبی ٢٧ێ ئادارێ، ب تۆمەتا گەندەلی و بوویەرا بنئاڤکەتنا بەلەما موسلێ، دادگەها نەینەوایێ بریارا دەستەسەرکرنا نەوفل عاکوب پارێزگارێ بەرێ یێ نەینەوایێ دا.

هەڤدەم دادگەها نەینەوایێ، قەدەغەیا دەرکەتنێ ل پارێزگارێ بەرێ یێ موسلێ قەدەغە کر.

رۆژا ٢٤ێ ئادارێ پارلەمانا عێراقێ جڤیا و ل سەر داخوازا عادل عەبدولمەهدی سەرۆک وەزیرێ عێراقێ، ژ کاردوورخستنا نەوفل عاکوب پارێزارێ نەینەوایێ و دوو جێگرێن وی خستە دەنگدانێ و داخواز کر، ل سەر کارێن وان بێن دوورخستن.

٢١ێ ڤێ مەهێ ل ناڤچەیا گەشتیاریا موسلێ ل سەر روبارێ دیجلەیێ بەلەمک بنئاڤ بوو و د ئەنجامێ دا زێدەتر ژ ١٢٠ کەسان ژیانا خوە ژ دەست دا و ب دەهان تەرم ژی هێژ نەهاتنە دیتن.

هـ.ج