سەرنووچە:

کۆنگرەیا گوپیتک یا عێراق، میسر و ئوردنێ ل قاهیرەیێ دەستپێکر

کۆنگرەیا گوپیتک یا عێراق، میسر و ئوردنێ ل قاهیرەیێ
فۆتۆ: ئاژانسێن نووچەیی
2019-03-24

234 جار خوێندراوەتەوە

پشتی نیڤرۆیا ئەڤرۆ کۆنگرەیا گوپیتک یا ناڤبەرا عێراق و میسر و ئوردنێ ب بەرهەڤبوونا بەرپرسێن بلندێن یەکەم یێن هەرسێ ولاتان ل قاهیرەیێ دەست ب کارێن خۆ کر.

میدیایان بەلاڤکر، کۆنگرەیا سێ ئالی یا هەرسێ ولاتان ب بەرهەڤبوونا هەریەک ژ عادل عەبدولمەهدی سەرۆک وەزیرێ عێراقێ و عەبدولفەتاح سیسی سەرۆک کۆمارێ میسرێ و شاهـ عەبدوڵایێ دوویەم پاشایێ ولاتێ ئوردنێ دەست ب کارێن خۆ کرن.

ڕۆژا ٢٣ێ ئادارێ عادل عەبدولمەهدی سەرۆک وەزیرێ عێراقێ ب سەرەدانەکا فەرمی گەهشتە قاهیرەیا پایتەختێ میسری، ب مەرەما پشکداریکرن د جڤینا لسەر ئاستێ بلند یا عێراق، میسر و ئوردنێ.

پشتی دەستبکاربوونێ وەک سەرۆک وەزیرێ عێراقێ ژ ڕۆژا ٢٤ێ جۆتمەها سالا دەربازبوویی ڤە، ئەڤە یەکەم گەشتا دەرڤەی ولاتیە کو عادل عەبدولمەهدی دکەت.

بەریا سەرەدانێ ژی عادل عەبدولمەهدی د بەیاننامەیەکێ دا بەلاڤکر، هەست ب شەرمزاریێ دکەت بۆ سەرەدانا ولاتێ میسرێ، ژبەرکو هەڤدەمە دگەل ڕاگەهاندنا بەهیا سێ ڕۆژی یا بوویەرا بنئاڤبوونا بەلەما گەشتیاریا موسلێ.

س.م