سەرنووچە:

پارلەمانێ عێراقێ پارێزگارێ نەینەوا ژ کارێ وی دوورخست

لسەر بوویەرا موسلێ
پارلەمانێ عێراقێ
فۆتۆ: ئێن ئاڕ تى
2019-03-24

225 جار خوێندراوەتەوە

د جڤینا ئەڤرۆ یا پارلەمانێ عێراقێ دا ب پڕانیا دەنگان پاریزگارێ نەینەوا ژ کارێ وی دوورخست.

ئەڤرۆ ٢٤ێ ئادارا ٢٠١٩ێ پارلەمانێ عێراقێ لسەر داخوازا عادل عەبدولمەهدی سەرۆک وەزیر دەربارەی ژکار لادانا نەوفل عاکوب پارێزگارێ نەینەوا جڤیا، د جڤینێ دا ب پڕانیا دەنگان پارێزگار و دوو جێگرێن وی ژ کارێن وان هاتنە دوورخستن.

هەڤدەم پارلەمانێ عێراقێ بڕیار دا تەڤایا قوربانیان ب شەهید هەژمار بکەن.

پشتی بوویەرا موسلێ، نڤیسینگەها ڕاگەهاندنا عادل عەبدولمەهدی د بەیاننامەکێ دا ڕاگەهاند، ژبەر هەبوونا کێمتەرخەمیەکا زێدە و ب هەدەردانا سامانێ دەولەتێ و خراب بکارئینانا پۆستی، سەرۆک وەزیرێ عێراقێ پێشنیار بۆ پارلەمانی کر نەوفل عاکوب پارێزگارێ نەینەوا و جێگرێن وی لابدەن.

ڕۆژا ٢١ێ ڤێ مەڤێ د دەڤەرا گەشتیارا موسلێ دا لسەر ڕووبارێ دیجلە بەلەمەکا هەلگرا زێدەتری ٢٠٠ کەسان بنئاڤبوون و ب وێ سەدەمی ژی زێدەتری ١٢٠ کەسان جانێ خۆ ژدەستدان و دەهانێن دی ژی  هەیا نها تەرمێن وان نەهاتنە دیتن.

س.م