سەرنووچە:

پارێزگارێ نەینەوا: ئەگەر من کێم خەمى کربیت ئامادەمە دەست ژکاربکێشم

پارێزگارێ نەینەوا: ئەگەر من کێم خەمى کربیت ئامادەمە دەست ژکاربکێشم
فۆتۆ: 
2019-03-23

212 جار خوێندراوەتەوە

نەوفل عاکوب پارێزگارێ نەینەوا تەکەز کر، ڕیڤەبەرێ دەڤەرا گەشتیارى یا "جەزیرە" یا گەشتیارى ل موسلێ د نها دا ل پارێزگەها دهۆکێ یە و دەنگویێ وێ چەندێ ژى هەیە بۆ ولاتێ تورکیا چووبیت، ئامادەیا خۆ ژى ڕاگەهاند کو دەست ژ کارکێشانا خۆ ژ وى پۆستى، ئەگەریێ کێم خەم بیت.

عاکوب د گۆتۆبێژان دا کو سەنتەرێ نووچەگەهانى یێ نیشتمانى یا عێراقێ دگەل وى هاتبوو کرن گوت، "ڕێڤەبەرێ جەزیرە یا گەشتیاری ب ڕێنمایان پێگیرنەبوویە کو پێ هاتینەدان دەربارەى بلندبوونا ئاستێ ئاڤا ڕۆبارێ دیجلە و ئەو فەرمان جیبجی نەکرنە".

زەلال ژى کر، ئەو کەسێن بۆ پارێزگەهێ هاتینە گازیکرن ل سەر خزمەت گوزاریێن وێ دەڤەرا گەشتیارى هاتینە گرتن.

د پشکەکا دى یا پەیڤێن خۆ دا پاریزگارێ نەینەوا دازانین، ڕێڤەبەرێ گەشتوگوزاریێ گوتیە کو دگەل گرۆپێ عەسائیبى ئەهلى حەق دایە، لێ ئەو گوتن پرۆپاکندەبوون، ڕێڤەبەرێ دەڤەرا گەشتیارى یا "جەزیرە" یا گەشتیارى ل موسلێ د نها دا ل پارێزگەها دهۆکێ یە و دەنگویێ وێ چەندێ ژى هەیە بۆ ولاتێ تورکیا چووبیت.

دەربارەى وێ بوویەری ژى گوت، " خودانێ بەلەما گەشتیارى ل شوونا کو ٤٥ بۆ ٥٠ گەشیاران بارکرنە ، سێ جارا هندى شیانێن وێ گەشتیار هەلگرتینە.

دەربارەى ئەگەرێ دەست ژ کار کێشانێ، پارێزگارێ نەینەوا ڕاگەهاند، " دێ دەست ژ کارکێشانێ پێشکێشکەم ئەگەر ئەز یی کێم خەم بم د کارێ خۆدا، هەروەسا ئەگەر دەست ژکارکێشانا من ببیتە ئەگەرێ گوهەرتنا ڕەوشا نەینەوایێ، وى دەمى ئەز یەکەم کەسم دەست ژکارکێشانێ پێشکیش بکەم، لێ مەترسیا دووبارە ڤەگەریانا چەکدارێن داعشێ بۆ پارێزگەهێ هەیە".

ئەو گوتنێن پاریزگارێ نەینەوایێ د دەمەکێ دانە کو دوهى ٢٢ ئادارا ٢٠١٩ێ عادل عەبدولمەهدى سەرۆک وەزیرێ عێراقێ فەرمانەکا دیوانى دەرکر بۆ پێکئینانا "شانەیا کریزێ ـ شانەیا پرکرنا کاران" ل پارێزگەها نەینەوایێ، ب مەرەما برێڤەبرن و جیبجیکرنا کارێن پارێزگەهێ، هەیا وى دەمێ جڤاتا پارێزگەهێ بریارەکێ ددەت ل بەر ڕۆناهیا ڤەکولینێن بوویەرا بن ئاڤ کەتنا وێ بەلەما گەشتیارى بیت.

م.ن