سەرنووچە:

ئارتێشا عێراقێ هێزەکا زێدەتر بۆ شنگالێ دشینە

ئارتێشا عێراقێ هێزەکا زێدەتر بۆ شنگالێ دشینە
فۆتۆ: 
2019-03-22

369 جار خوێندراوەتەوە

دیجیتال میدیایا ئین ئاڕ تى، نزیر شنگالى، شنگال

نووچە گەهانێ دیجیتال میدیایا ئین ئاڕ تى ئاشکرا کر، ئارتیشا عێراقێ نێزیكی ٥٠  ترومبێلێن سەربازی بۆ شنگالێ شاندنە کو سەر ب فرقا ٩ یا ئارتیشا عێراقێ نە، دهێتە چاڤەری کرن کو دوو لیوایێن دى ژى بۆ شنگالێ بهێنە شاندن.

ڕۆژا سێشەمبی ١٩ێ ئادارا ٢٠١٩ێ ل شنگالێ ل گوندێ مەدبان شەر د ناڤبەرا یەکینەیێن بەرخوەدانا شنگالێ و هێزێن سوپایا عێراقێ دا دەرکەت، دوو سەربازێن حکومەتا عێراقێ بریندار بوون.

هەروەسا دازانین، حکومەتا عێراقێ دوو لیوا و هەژمارەک چەکێن گران  ژ بۆ شنگال و دەردۆرێ وێ شاندنە. هەروەسا بالافرێن شەر یێن عێراقێ ژی ل سەر شنگالێ دفڕن.

هەروەسا هەموو رێکێن دەرکەتن و هاتنا ناڤ شنگالێ ژ هاتنوچوونێ هاتنە گرتن و حکومەتا عێراقێ هەولا کۆنترۆلکرنا ناڤچەیێ ددە.

هەروەسا رۆژا ١٧ێ ئادارێ هێزەکا یەکەینەیێن بەرخۆدانا شنگالێ (یەبەشە) خواست، ب ڕێکا بازگەها سنوریا "تربکە" یا سەر سنورێ سوریا و عێراقێ دەربازی ڕۆژئاڤایێ کوردستانێ ببە، لێ ژ ئالیێ ئارتێشا عێراقێ ڤە ڕێگری لێ هاتیە کرن و شەڕ د ناڤبەرا هەردوو ئالیان دا ڕوودا.

شانەیا ڕاگەهاندنا ئەولەهیا سوپایێ عێراقێ د بەیاننامەیەکێ دا ڕاگەهاند، چار کەس ل سوریا هاتنە بۆ گوندێ حەساویک ل شنگالێ و ژ ئالیێ هێزێن سوپایێ عێراقێ هاتنە دورپێچکرن، هێزێن یەپەشێ ژى بۆ هاریکاریا وان کەسان بکەن و شەر د ناڤبەرا هەردوو ئالیان دا ڕوودا و دازانین ژى، دوو سەربازێن فرقەیا ١٥ یا سوپایێ عێراقێ هاتنە کوشتن.

فەرمانداریا گشتیا یەکینەیێن بەرخوەدانا شنگالێ ژی دازانین، د شەرێ ١٧ێ مەهێ یێ ناڤبەرا وان و ئارتێشا عێراقێ دا دوو شەرڤان شەهید بوونە و سێ ژی بریندار بوونە.

یەبەشێ دیار کر، هێرشا دوهی ب پلان هاتیە کرن و هنەک ئالی دخوازن د ناڤبەرا وان و ئارتێشا عێراقێ دا ئالۆزیان چێبکن.

م.ن