سەرنووچە:

وێنەیەکێ پارێزگارێ موسلێ ئاکنجیێن وى باژاری تورە کرن

وێنەیەکێ پارێزگارێ موسلێ ئاکنجیێن وى باژاری تورە کرن
فۆتۆ: 
2019-03-22

864 جار خوێندراوەتەوە

چالاکڤانێن د بیاڤێ تورێن جڤاکى دا وێنەیێن پارێزگارێ نەینەوا بەلاڤکرنە، د دەما دەرکەتنا وى دا ل پشت عادل عەبدولمەهدى سەرۆک وەزیرێ عێراقێ دکەتە کەنى، ئەڤە ژى د دەمەکێ دا کو سەرۆک وەزیر سەرەدانا ڕەوشا بریندار و و ڕزگاربوویێن نەخوشخانەیا سەلام  ل باژارێ موسلێ دکەت.

لگورەى وێنەى، نەوفل عاکوب ل پشت سەرۆک وەزیرى ب دەڤ کەنى دەرکەتیە، د دەمەکێ دا کو سەرۆک وەزیر بۆ ڕۆژنامەڤانان د ئاخڤیت دەربارەى وێ بەلەما گەشتیارى ئەوا د ڕۆبارێ دیجلەى دا ل موسلی بن ئاڤ بووى.

لگورەى ئەوا هاتیە بەلاڤکرن د تورێن جڤاکى دا نڤیسینە، "پارێزگارى ڕێز ل تەرمێن وان کەسان نەگرتنە ئەوێن ل نوژداریا داد و ڕێز ل میدیایان ژى نەگرتیە د دەما کونفرەنسێ ڕۆژنامەڤانى دا، هەیا ڕێز ل سەرۆک وەزیران نەگرت و ب هەمان ئاوای ڕێز ل مالبات و کەسوکارێن قوربانبان نەگرت".

هندەکێن دى نڤیسینە، "نەوفل بکە کەنى، ڕۆژا نەمانا تە د دەستهەلاتێ دا یا نێزیکە و ل ڤان نێزیکا دێ لێپرسینێ دگەل تەکەین".

دوهی پێنجشەمبیێ د یەکەم ڕۆژا وەرزێ بهارێ دا، دەما کو هەژمارەکا خەلکی بۆ گەشت و سەیرانان قەستا باکورێ ڕووبارێ دیجلە کربوو،  بەلەمەک دناڤ ڕووباری دا بنئاڤبوویە و گەلەک قوربانی لدیف خۆ ئینان.

م.ن