سەرنووچە:

جڤاتا پارێزگەها نەینەوا بڕیاردا پارێزگاری بۆ ڤەکۆلینێ بشینیت

لسەر بنئاڤبوونا بەلەما موسلێ
کۆنفرانسا ڕۆژنامەڤانیا جڤاتا پارێزگەها نەینەوا
فۆتۆ: 
2019-03-22

198 جار خوێندراوەتەوە

لسەر بنئاڤبوونا بەلەما موسلێ و هێرشکرنا سەر خۆنیشاندەران ژ ئالیێ زێرەڤانێن وی ڤە، جڤاتا پارێزگەها باژاری بڕیاردا پارێزگاری بۆ ڤەکۆلینێ بشینیت.

گەلاوێژ عەلی ئەنداما جڤاتا پارێزگەها موسلێ بۆ دیجیتال میدیایا ئێن ئاڕ تی ڕاگەهاند، دجڤینا ئەڤرۆ یا جڤاتا پارێزگەهێ دا بڕیاردانە، لسەر دوو پرسان ڤەکۆلینێ دگەل نەوفل عاکوب بکەن، کو یەک ژ وان تایبەتە ب بوویەرا بنئاڤبوونا بەلەما موسلێ کو بۆ سەدەما جان ژدەستدانا گەلەک خەلکی.

گوت ژی، پرسا دوویێ ژی تایبەتە ب هێرشکرنا ئەڤرۆ سپێدێ یا زێرەڤانێن پارێزگارێ موسلێ بۆ سەر خۆنیشاندەران.

دەربارەی کەسێن کو جانێ خۆ ژی ژدەستدانە ئاشکراکر، هەژمارەک ژ وان کەسێن د بوویەرا موسلێ دا جانێ خۆ ژدەستداین کوردن.

ئەو یەک ژی دیارکر، هێشتا زەلال نەبوویە هەژمارا وان وەلاتیێن کورد یێن کو د بەلەمێ دا بنائڤبووین چەندن.

ژ ئالییەکێ دی ڤە جڤاتا پارێزگەها موسلێ هەر د جڤینا خۆدا بڕیار دا، مۆلەتێ وەبەرئینانێ ژ وان جهێن گەشتیاری وەرگرن، کو بەلەم تێدا بنئاڤبوویە و وەبەرهێنەر و ئیدرەیا وی جهی بدەنە دادگەهێ.

هەڤدەم بڕیاردایە، قەرەبوویا وان کەسێن کو بسەدەما بوویەرێ زیان پێگەهشتنە و ب شەهید ناڤبرنا وان کەسێن کو جانێ خۆ ژدەستداین.

 سپێدەهیا ئەڤرۆ ئەینیێ (٢٢ێ ئادارا ٢٠١٩ێ) خۆنیشاندەرێن موسلێ ب بەران هێرشی سەر تڕۆمبێلێن نەوفل عاکوب پارێزگارێ باژارێ خۆ کرن، کو سەرەدانا بریندار و کەسوکارێن قوربانیێن بوویەرا بنئاڤبوونا بەلەما دوهی یا د ئاڤا دیجلەیێ دا کربوو.

دوهی پێنجشەمبیێ د یەکەم ڕۆژا وەرزێ بهارێ دا، دەما کو هەژمارەکا خەلکی بۆ گەشت و سەیرانان قەستا باکورێ ڕووبارێ دیجلە کربوو،  بەلەمەک دناڤ ڕووباری دا بنئاڤبوویە و گەلەک قوربانی لدیف خۆ ئینان.

س.م