سەرنووچە:

هەژمارەک ژ وان کەسێن کو د بوویەرا موسلێ دا جانێ خۆ ژدەستداین کوردن

بنئاڤبوونا بەلەمەکێ ل موسلێ
بوویەرا بنئاڤبوونا بەلەمەکێ ل موسلێ
فۆتۆ: ئێن ئاڕ تى
2019-03-22

393 جار خوێندراوەتەوە

ئەندامەکا جڤاتا پارێزگەها نەینەوا ڕاگەهاند، هەژمارەک ژ وان کەسێن د بوویەرا موسلێ دا جانێ خۆ ژدەستداین کوردن.

گەلاوێژ عەلی ئەمین ئەنداما جڤاتا پارێزگەها نەینەوا بۆ ئێن ئاڕ تی ڕاگەهاند، د ناڤا وان کەسێن د بوویەرا دوهی دا ل موسلێ جانێ خۆ ژدەستداین، هەژمارەکا وەلاتیێن کورد تێدانە.

ئەو یەک ژی دیارکر، هێشتا زەلال نەبوویە هەژمارا وان وەلاتیێن کورد یێن کو د بەلەمێ دا بنائڤبووین چەندن.

گەلاوێژ عەلی گوت ژی، ئەو کۆمپانیا گەشتیاری بسەدەما سەرەکی یا بوویەرێ دزانن، دێ مۆلەتێ ژ کۆمپانیا گەشتیاری وەرگرن و سزایێن گران ژی بسەردا دسەپینن.

دوهی پێنجشەمبیێ د یەکەم ڕۆژا وەرزێ بهارێ دا، دەما کو هەژمارەکا خەلکی بۆ گەشت و سەیرانان قەستا باکورێ ڕووبارێ دیجلە کربوو،  بەلەمەک دناڤ ڕووباری دا بنئاڤبوویە و گەلەک قوربانی لدیف خۆ ئینان.

س.م