سەرنووچە:

وێنە.. پۆلیسەکا نیوزلەندی ب دەرسوکێ ڤە بوسلمانان د پارێزیت

پۆلیسەکا نیوزلەندی ب دەرسوکێ ڤە بوسلمانان د پارێزیت
فۆتۆ: 
2019-03-22

216 جار خوێندراوەتەوە

پۆلیسەکا نیوزلەندایێ ب دەرسوکێ ڤە پارێزگاری ژ بوسلمانێن ولاتێ خۆ کر، کو ژبۆ بیرئینانا شەهیدێن هێرشێن حەفتیا بووری بۆ سەر دوو مزگەفتان خرڤەببوون.

لسەر داخوازا جاسیندا ئاردێرن سەرۆک وەزیرا نیوزلەنداییێ پۆلیسەکا ئافرەت یا وی ولاتی ب دەرسوکێ پارێزگاریێ ژ گروپەکا بوسلمانان دکەت، کو پشکدارببوون د ڕێورەسمێن بیرئینانا شەهیدێن هێرشێن حەفتیا بووری بۆ سەر دوو مزگەفتێن وی ولاتی.

سەرۆک وەزیرا نیوزلەندایێ وەک ڕێزگرتن و پشتەڤانی نیشاندان ژ بوسلمانێن ولاتێ خۆ، پێشنیارا ئافرەتێن نیوزلەندایێ کربوو ب دەرسوکان پشکداریێ د بەهی و مەراسیما بیرئینانێ دا بکەن.

ئەڤرۆ ئەینیێ (٢٢ێ ئادارا ٢٠١٩ێ) جاسیندا ئاردێرن سەرۆک وەزیرا نیوزلەندایێ پشکداری د نڤێژا ئەینیێ دا کر و پشتەڤانیا ولاتێ خۆ بۆ بوسلمانان نیشاندا و گوت، "نیوزلەندا دگەل هەوە دایە، ئەم د بەهیێ داینە و ئەم یەکن".

ئەینیا بووری د هێرشەکێ دا، کو سەرۆک وەزیرا وی ولاتی ب "تیرۆرستی" بناڤکر، بۆ سەر دوو مزگەفتان د نیوزلەندایێ دا، ٥٠ کەس شەهیدبوون و زێدەتر ژ ٢٠ کەسان برینداربوون.

س.م

Related image

Image result for yeni zelandali polis kadin basortu