سەرنووچە:

یەکێتیا ئەوروپایێ ڕازیبوون لسەر پاشخستنا دەما دەرچوونا بریتانیایێ نیشان دا

یەکێتیا ئەورۆپایێ
فۆتۆ: ئەرشیڤ
2019-03-22

142 جار خوێندراوەتەوە

یەکێتیا ئەوروپایێ ڕازیبوون نیشان دا لسەر پاشخستنا دەما دەرچوونا بریتانیا د یەکێتیێ دا بۆ ٢٢ێ گولانێ ئەگەر پارلەمانێ وی ولاتی پالانا برێکزیتێ پەسەند بکەت.

دۆنالد توسک سەرۆکێ جڤاتا یەکێتیا ئەوروپایێ ڕاگەهاند، ولاتێن ئەندام د یەکێتیێ دا ب کۆما دەنگان ڕازیبوون نیشاندایە لسەر داخوازیا بریتانیایێ بۆ پاشخستنا دەما دەرچوونێ د یەکێتیا ئەوروپایێ دا.

گوت ژی، ١٢ێ نیسانا ئەڤسالە دەما داویێ یە ژبۆ کو بریتانیا بڕیارێ بدەت دێ پشکداریی د هەلبژارتنێن یەکێتیا ئەوروپایێ دا کەت یان نە، تەڤایا بژاردەیان ژی بۆ دڤەکرینە.

ژ ئالیێ خۆژیڤە تێرێزا مەی سەرۆک وەزیرا بریتانیایێ پێشوازی ژ وێ بریارا یەکێتیا ئەوروپایێ کر، باوەریا خۆ ژی نیشاندا کو دێ پارلەمانێ ولاتێ وێ ئەرکێ خۆ لسەر پرسا جودابوونێ ژ یەکێتیا ئەوروپایێ بجهئینیت، ڕێکەفتنا جودابوونێ پەسەند بکەت.

س.م