سەرنووچە:

ترەمپ: دەم هاتیە دانپێدانێ ب سەروەریا ئیسرائیلێ د جۆلانێ دا بکەین

دۆنالد ترەمپ سەرۆکێ ویلایەتێن هەڤگرتیێن ئەمریکا
فۆتۆ: ئەرشیڤ
2019-03-22

133 جار خوێندراوەتەوە

دۆنالد ترەمپ ڕاگەهاند، ئەو دەمە هاتیە، واشنتۆن دانپێدانێ ب سەروەیا ئیسرائیلێ د بلنداهیێن جۆلانێ دا بکەت.

سەرۆکێ ویلایەتێن هەڤگرتیێن ئەمریکا د تویتەکێ دا نڤیسیە، پشتی ٥٢ سالان، ئەو دەمە هاتیە ئەمریکا دانپێدانێ ب تەڤایا سەروەریا ئیسرائیلێ د بلنداهیێن جۆلانێ دا بکەت، ژبەر کو وێ دەڤەرێ گرنگیەکا ستراتیژی و ئەولەهیێ بۆ دەولەتا ئیسرائیل و ئارامیا دەڤەرێ هەیە.

بەرێ ژی ئارتێشا ئیسرائیلێ ب هێجەتا هەبوونا پاسدارێن ئیرانێ و بەزاندنا سنورێ ولاتێ خۆ ژ ئالیێ سوریایێ ڤە، بنگەهێن سەربازیێن خۆ لسەر بلنداهیێن جۆلانێ بهێزترکرن.

بلنداهیێن جۆلانێ دەڤەرەکا سنووری یا ئاریشە لسەرە ناڤبەرا ئیسرائیل و سوریایێ دا و پشتی سالا ١٩٦٧ ژ ئالیێ ئارتێشا ئیسرائیلێ ڤە دەست بسەردا هاتیە گرتن.

س.م