سەرنووچە:

هەڤپەیمانیا فەتح: پرۆژە یاسایا دەرخستنا هێزێن ئەمریکایێ ل عێراقێ بۆ دەنگدانێ ئامادەیە

هەڤپەیمانیا فەتح: پرۆژە یاسایا دەرخستنا هێزێن ئەمریکایێ ل عێراقێ بۆ دەنگدانێ ئامادەیە
فۆتۆ: 
2019-03-15

149 جار خوێندراوەتەوە

هەڤپەیمانیا فەتح ڕاگەهاند، زێدەترى ١٠ ڕەشنوسێن یاسای بۆ دەنگدانێ کو یەک ژ وان یا تایبەتە ب دەرخستنا هێزێن ئەمریکایی ل عێراقێ ئامادە.

حەنین قەدو پەرلەمانتارا هەڤپەیمانیا فەتح ئاشکرا کر، پرۆژە یاسایا دەرخستنا هێزێن ئەمریکا د وێ پرۆژە یاسایێن گرنگن کو دڤى وەرزێ یاسادانانا نها یێ پەرلەمانێ عێراقێ دا دەنگ ل سەر دهێتە دان.

زەلال ژى کر، لیژنەیا ئەولەهیا پەرلەمانێ عێراقێ دگەل بەرپرسێن ئەولەهى و فەرماندەیێن گشتى یێن هێزێن چەکدار دێ بجڤن هەیا کو عێراق هەیا چەند پێدڤى بهێزێن بیانى هەیە، کیژان وەلاتن و هەژمار و جهێ وان چەندە و د چ دەڤەرەکا ئاخا عێراقێ دا بیت.

یەک ژ سەرکردەیێن بلند یێن ناڤ ڕەوتا سەدر ژى ئەو چەندە نەڤەشارت کو جێدبیت ببیتە ئارمانجا ئەمریکا هەیا وى ئاستى ئەو دژى ڤەمانا هێزێن ئەمریکا نە ل عێراقێ .

پشتى کو دۆنالد ترەمپ راگەهاندى، کو دخوازە سوپایێ وەلاتێ وى ل عێراقێ دا بۆ چاڤدێریکرنا ئێرانێ بمینیت، سەرکردەیێن عێراقێ دەربارێ وێ بریارێ داخویانیێن جودا ددەن.

ڕۆژا دووشەمبیێ ٤ێ سباتا ٢٠١٩ێ محەمەد حەلبووسى سەرۆکێ پەرلەمانێ عێراقێ راگەهاند، گۆتوبێژکرنا یاسایا دەرکرنا سوپایێ ئەمریکایێ پێتڤی ب پرسکرنێ دگەل حکومەتێ هەیە کو دەستهەلاتا جێبەجێکرنێ یە.

م.ن