سەرنووچە:

عادل عەبدولمەهدى سەردانا سعودیەیێ دکەت

بۆ ئیمزاکرنا هەژمارەکا رێکەتنان
فۆتۆ: 
2019-03-14

163 جار خوێندراوەتەوە

عادل عەبدولمەهدى سەرۆک وەزیرێ عێراقێ بۆ ئیمزاکرنا هەژمارەکا رێکەتنان د ڤان نێزیکان دا سەردانا سعودیەیێ دکەت.

نڤیسینگەها رۆژنامەڤانیا سەرۆک وەزیرێ عێراقێ د راگەهاندنەکێ دا ئاشکرا کر، سەردانا عادل عەبدولمەهدى ب مەرەما ب هێزکرنا پەیوەندیان و هەژمارەکا رێکەتنا د بیاڤێن بازرگانیێ و وەبەرهێنانێ ئیمزابکەن.

هەروەسا دازانین، سەرۆک وەزیرێ عێراقێ ئەڤرۆ پێنجشەمبیێ دگەل ماجد قەسەبى وەزیرێ وەبەرهێنان و بازرگانیا سعودیەیێ شاندێ دگەل دا جڤیا  گفتۆگویا پەیوەتدیێن دوو قولى یێن هەردوو وەلاتان و گرنگیا رێکەتنا هەڤپشک د پێخەمەت بەرژەوەندیا هەردوو وەلات و گەشەپێدان و سەقامگیرى و ئەولەهیا عێراقێ هاتیە کرن.

لگورى راگەهاندنا نڤیسینگەها سەرۆک وەزیرێ عێراقێ وەزیرێ وەبەرهێنان و بازرگانیا سعودیەیێ ئامادەیا وەلاتێ خوە دیار کریە ژ بۆ کو رۆلى خوە ژ سەر نوو ئاڤەدانکرنا عێراق و پشتەڤانیکرنا د بیاڤێن ئابورى، نەفت و کارەبایێ بینیت.