سەرنووچە:

سیستانى بۆ رۆحانى: پێتڤیە رێز ژ سەروەریا دەولەتا عێراقێ بهێتە گرتن

فۆتۆ: 
2019-03-13

130 جار خوێندراوەتەوە

عەلى سیستانى مەرجەعێ بلند یێ شیعەیان د جڤینەکا  گەل حەسەن رۆحانى سەرۆک کۆمارێ ئیرانێ دا پێ گوتیە، "پێتڤیە رێز ژ سەروەریا عێراقێ بهێتە گرتن و چەک ژى ب تنێ دەست دەولەتێ بیت".

نڤیسینگەها عەلى سیستانى د بەیاننامەیەکێ دا راگەهاند، " سیستانى ب حەسەن رۆحانى گوتیە، پێتڤیە هەر پێنگاڤەکا بهێزکرنا پەیوەندیێن عێراق و ئیرانێ ل سەر بنەمایێ رێزگرتنا سەروەریا هەردوو دەولەتان بیت و دەستێڤەدانێ د کاروبارێن یەک دى نەکەن".

ئەو یەک ژى تێدا هاتیە، " پێتڤیا عێراقێ ب وێ یەکێ یە خزمەتگوزاریان بۆ وەلاتیان دابین بکەت، دڤێت چەک ژى تەنێ د دەستێ هێزێن ئەولەهیا حکومەتێ دا بیت".

ئەڤرۆ چارشەمبیێ ١٣ێ ئادارا ٢٠١٩ێ حەسەن رۆحانى سەرۆک کۆمارێ ئیرانێ د گەشتا خوەدا بۆ عێراقێ سەردانا باژارێ نەجەفێ کر و دگەل مەرجەعێ بلند یێ شیعەیان عەلى سیستانى ل عێراقێ جڤیا.

م.س