سەرنووچە:

گرنگترین خالێن بەیاننامەیا هەڤشک یا ناڤبەرا عێراق و ئیرانێ

گرنگترین خالێن بەیاننامەیا هەڤشک یا ناڤبەرا عێراق و ئیرانێ
فۆتۆ: 
2019-03-12

227 جار خوێندراوەتەوە

پشتى سەرەدانا حەسەن رۆحانى سەرۆک کومارێ ئیرانێ بۆ عێراقێ، هەر یەک ژ عێراق و ئیران ل سەر چەند خالێن هەڤپشک ڕێکەفتن، یا ژ هەمیان گرنگتر ژى ڤەکرنا خالێن سنورى یێن نوو و دامەزراندنا باژارێن پیشەسازى و ڤەگوهاستنا کەلوپەلان د سنورێ ناڤبەرا هەردوو ولاتان دا بێ کو بهێنە ڤالا کرن یان پرکرن.

هەردوو ئالى د هەڤدیتێن یەکتر دا گۆتۆبێژ کرن دەربارەى ئاریشەیێن هەرێمان و دژایەتی کرنا تیرۆرێ و هاریکارى کرن د ناڤبەرا هەردوو ولاتان ب مەرەما بهێزکرنا ئەولەهیا و ئارامیێ ل دەڤەرێ، هەروەسا درۆستکرنا هەڤپشکیەکا ئابورى یا بهێز، کو مفای ب هەردوو ئالیان بگەهینیت.

هەر د گۆتۆبێژێن هەردوو ئالیان دا تەکەز ل سەر درۆستکرنا دەرگەهێن سنورى یێن نوو د ناڤبەرا هەردوو ولاتان دا کریە، دامەزراندنا باژارەکێ پیشەسازى و کارکرن ل سەر ڤەگوهاستنا کارکەرێن ژێهاتى و پسپور و هاریکار د بیاڤێن ساخلەمیێ دا و چارەسەرکرنێ، کارئاسانی بۆ کومپانیێن دەرمانان د ناڤبەرا هەردوو ئالیان دا بکەن.

ئالیێ ئیرانى ژى ئامادەبوونا خۆ نیشان دا بۆ هاریکاری کرنا عێراقێ د پرۆسا ئاڤەدانکرنا دەڤەرێن زیان ڤێ کەتیێن عێراقێ برێکا کومپانیێن ئیرانێ، عێراقێ ژى ژ ئالیێ خوڤە پەسنا وێ دەستپیشخەریێ کر کو کومپانیێن وەبەرهینانا ئیرانێ بۆ عێراقێ بینن، د هەمبەر دا بەغدا داخواز کر کارئاسانى بۆ سەرمایەدارێن عێراقێ  بۆ وێ چەندێ کو بچنە ئیرانێ بهێتە کرن، ب ئاوایەکێ کو د بەرژەوەندیا هەڤپشک یا هەردوو ئالیان دا بیت.

دەربارەى کارئاسانیا هاتنوچوونا وەلاتیان و گەشتیارن د ناڤبەرا هەردوو ئالیان دا، ئالیێ ئیرانى باجا ڤیزایێ ل سەر گەشیارین عێراقێ هەلوەشاند و دێ یەکێ نیسانی کار ب وێ بریارێ هێتە کرن، و ئالیێ عێراقی ژى دێ هەمان سەرەدەرى ب هەماهەنگى دگەل ئالیی بەرامبەر دا کەت.

دەربارەى دەڤەرێن شەتولعەرەب، هەردوو ئالی ڕژدبوونا خۆ بۆ جیبجیکرنا ڕێکەفتنا سنورى یا ناڤبەرا هەردوو ئایان دا نیشان دا، کو ل ١٣ێ هەزیرانا ١٩٧٥ێ هاتیە ئیمزاکرن، بۆ وێ مەرەمێ ژى هەردوو ئالیان بریاردا ب هەڤپشکى هەردوو ئالیێن شەتولعەرەب پاقژ بکەن.

دوهى ١٢ێ ئادارا ٢٠١٩ێ، سەرۆک کومارێ ئیرانێ گەهشتە بەغدایێ و دگەل بەرپرسێن بلند جڤیا و چەندیێن یاداشت و لێکتێگەهشتن ئیمزا کرن.

م.ن