سەرنووچە:

یەکەم کارڤەدانا ئەمریکایێ ل سەر سەردانا رۆحانى بۆ بەغدایێ لێکەت

فۆتۆ: 
2019-03-11

902 جار خوێندراوەتەوە

برایان هۆگ نونەرێ تایبەتێ ئەمریکایێ بۆ کارۆبارێن ئیرانێ دەربارێ سەردانا ئەڤرۆ یا حەسەن رۆحانى سەرۆک کۆمارێ ئیرانێ بۆ بەغدایێ راگەهاند، گرنگە عێراقى پرسیارێ ژ پالدەرێن سەردانا سەرۆکێ ئیرانێ بۆ عێراقێ بکەن.

د یەکەم کارڤەدانا ئەمریکایێ دەربارێ سەردانا حەسەن رۆحانى بۆ عێراقێ برایان هۆگ د داخویانیەکێ دا بۆ کەنالێ حورەیێ ئەمریکایێ راگەهاند، " حکومەتا ئیرانێ ئیرانیان بخوە نا کەتە کارێ خوەیێ ل پێشیێ، دڤێ ژ بەر چ بیت رۆحانى خوشگوزەرانیا عێراقێ دکەتە کارێن خوەیێن پێشیێ؟".

وى بەرپرسێ ئیدارەیا ئەمریکایێ دازانین، ئەگەر بابەتى پەیوەندى ب سەروەرى و ئاسایش و ئارامیا عێراقێ هەیە، ئیرانێ ئەو مەبەست پێ نینە.

ب گوتنا هۆگ، ئیران دخوازە رێکەکا سەربازى یا بلەز ل باکورێ رۆژهەلاتێ ناڤەراست ڤەکەت، ژبو کو بکاریت ژ ئالیێ سوپایێ پاسداران ڤە بۆ ڤەگوهاستنا چەک و موشەک و لەشکەرا بکار بینیت.

هەروەسا زەلال کر، ئیران دخوازە عێراقێ بۆ پارێزگەهەکا خوە ب گوهەریت.

ئەو گوتنێن بەرپرسێ کارۆبارێ ئیرانێ د ئیدارەیا ئەمریکایێ دا دەربارێ سەردانا رۆحانى بۆ بەغدایێ د دەمەکێ دایە، ئەڤرۆ سەرۆک کۆمارێ ئێرانێ گەهشتە بەغدایێ د گەل بەرپرسێن بلند یێن وى وەلاتى جڤیا و چەند یاداشتێن لهەڤ تێگەهشتنێ ئیمزاکر.

م.س