سەرنووچە:

حەسەن رۆحانى: دگەل عێراقێ دێ زێدەتر گرنگیێ ب بیاڤێن بازرگانى، وزە، ژینگە و گەشتیارى دەین

حەسەن رۆحانى: دگەل عێراقێ دێ زێدەتر گرنگیێ ب بیاڤێن بازرگانى، وزە، ژینگە و گەشتیارى دەین
فۆتۆ: 
2019-03-11

140 جار خوێندراوەتەوە

حەسەن رۆحانى ڕاگەهاند، ئیران دخوازیت دگەل عێراقێ زێدەتر گرنگیێ بیاڤێن بازرگانى، وزە، ژینگە و گەشتیارى بدەت.

ئەڤرۆ ڕۆژا دووشەمبى ١١ێ ئادارا ٢٠١٩ێ حەسەن رۆحانى سەرۆک کومارێ ئیرانێ د کونفرەنسەکێ رۆژنامەڤانى دا ل باژارێ بەغدا دگەل بەرهەم سالح سەرۆک کومارێ عێراقێ ڕاگەهاند، ئەو د خوازن د بیاڤێن جودا دا پەیوەندیێن باش دگەل عێراقێ بەرەڤ پێشڤە ببەن، ب تایبەتى بازرگانى، وزە، ژینگە و گەشتیارى .

رۆحانى گوت ژى، "دەما ئەم د عێراقێ دا بین ئەم هەست پی دکەین ئەم یێن د ولاتێ خۆ دا".

سەرۆک کومارێ ئیرانێ زەلال ژى کر، د هەمى گۆتۆبێژان دگەل بەرهەم سالح دا چ ئالوزیەک نەبوویە و د دەما دەرباسبووى دا ژى عێراق و ئیران ل هەمبەر مژارا تیرۆرێ پشتەڤانێن هەڤدووبوون.

بەرهەم سالح پشتى بخێرهاتنا حەسەن رۆحانى تەکەز کر، پێدڤیە هاریکاریەکا زێدەتر د ناڤبەرا عێراق و ئیرانی دا هەبیت بۆ پاراستنا ئەولەهیا دەڤەرێ و سەرەدانا ڕۆحانى ژى بۆ بەرەڤ پیشچوونا پەیوەندیین هەردوو ئالیان زوور یا گرنگە.

هەڤدەم نووچەگەهانێ ئێن ئاڕ تى ل بەغدا ڕاگەهاند، سەرەدان دێ سێ ڕۆژان ڤەکێشیت حەسەن ڕوحانى سەرۆک کومارێ ئیرانێ دگەل هەر یەک ژ بەرهەم سالح سەرۆک کوماری عێراقێ و عادل عەبدولمەهدى  سەرۆک وەزیرێ عێراقێ دێ بجڤیت و دێ سەرەدانا جهێن پیرۆز یێن شیعەیان کەت و دگەل عەلى سیستانى مەرجەعێ بلند یێ شیعەیێن عێراقێ دێ بجڤیت.

م.ن