سەرنووچە:

ئیران: مزگینیەکا خوش دەربارەى ڕاکرنا ڤیزا د ناڤبەرا عێراق و ئیرانێ دا برێڤەیە

ئیران: مزگینیەکا خوش دەربارەى ڕاکرنا ڤیزایێ د ناڤبەرا عێراق و ئیرانێ دا برێڤەیە
فۆتۆ: 
2019-03-11

345 جار خوێندراوەتەوە

وەزیرێ دەرڤە یێ ئیرانێ ڕاگەهاند، جێدبیت د سەرەدانا حەسەن ڕوحانى  سەرۆک کومارێ ئیرانێ دا بۆ عێراقێ مزگینیەکا خوش دەربارەى ڕاکرنا ڤیزایێ و ڕێکاران ئاشکرا بکەت.

محەمەد جەواد زەریف وەزیرێ دەرڤە یێ ئیرانێ دکونفرەنسەکێ ڕۆژنامەڤانى دا ل بەغدایێ ڕاگەهاند، د گۆتۆبێژان دانە دگەل بەرپرسێن عێراقێ و گەهشتینە لێک تێگەهشتنێ دەربارەى ڕاکرنا ڤیزایێ د ناڤبەرا هەردوو ئالیان دا.

گوت ژى، "مە بۆ برایێن عێراقێ پێشنیارکریە کو هەردوو ئالیى ڤیزایێ ل سەر وەلاتیان ڕابکەن یان بێ بەرامبەر بیت یان ژى نرخێ وێ زوور بهێتە کێم کرن و دەربارەى وێ چەندێ ژى د گۆتۆبێژێن بەردەوام دانە.

ئەڤە ژى د دەمەکێ دایە کو محەمەد جواد زەریف وەزیرێ دەرڤە یێ ئیرانێ ل عێراقێ یە و حەسەن ڕوحانى سەرۆک کومارێ ئیرانێ ئەڤرۆ ب شاندەکێ بلند یێ سیاسی و ئابورى دێ سەرەدانا ولاتێ عێراقێ بکەت.

م.ن