سەرنووچە:

ئەڤرۆ پەرلەمانێ عێراقێ ل سەر چەند مژاران دێ بجڤیت

د دووەم جڤینا خولا نوو دا
ئەڤرۆ پەرلەمانێ عێراقێ ل سەر چەند مژاران دێ بجڤیت
فۆتۆ: 
2019-03-11

197 جار خوێندراوەتەوە

ئەڤرۆ پەرلەمانێ عێراقێ د خولا نوو یا خودا دووەم جڤین دێ کەت و د خشتەیێ کارێ ڕوونشتنێ دا ب چ ئاوایەکێ ئاماژە ب تەمامکرنا کابینەیا عادل عەبدول مەهدى نەهاتیە کرن.

پەرلەمانێ عێراقێ خشتەیێ کارێ ڕوونشتنا ئەڤرۆ بەلاڤکر، لگۆری خشتەیێ د ڕۆنشتنێ دا دێ خواندنا یەکێ بۆ پرۆژە یاسایا "دەستکەفتا نامەشروع" کەت، کو لیژنەیێن نەزاھە، یاسایی و دارایی دێ پشکداریێ کەن و پرۆژە یاسا ژ ٢٠ مادەیان پێکھاتیە.

د خالا دوویێ یا خشتەیا پارلەمانی دا دێ خوندانا یەکێ بۆ یاسایا دەستەیا نەزاھێ یا ھەژمارە (٣٠) یا سالا ٢٠١١ێ ھێتە کرن، دێ لیژنەیا نەزاھە و لیژنەیا یاسایی و لیژنەیا دامەزراوەیێن کۆمەلا سڤیل و گەشەپێدانا پارلەمانی پشکدار بن و پرۆژە یاسا ژ ٦ مادەیان پێکھاتیە.

ھەروەسا خالەکا دی یا ڕۆنشتنێ دێ بۆ خواندنا یەکێ یا پرۆژە یاسایا غەرامێ یا سزادانا عێراقێ یا ھەژمارە ١١١ێ سالا ١٩٦٩ێ بیت.

د پشکەکا دی یا ڕۆنشتنێ دا دی خواندنا یەکێ بۆ پرۆژە یاسایا چارەسەرکرنا زێدەگاڤیێن جھێن ئاکنجیبوونێ کەن، ھەر یەک ژ لیژنەیێن خزمەتگوزاری، ئاڤەدانکرن، لیژنەیا یاسای پشکدار دبن و پڕۆژە یاسا ژ ٢٢ مادەیان پێکھاتیە.

داوی خالا ڕۆنشتنا سوبەھی یا پارلەمانێ عێراقێ تایبەتە ب خواندنا یەکێ بۆ پرۆژە یاسایا سەڕاستکرنا یەکێ یا یاسایا ڕەگەزنامێ.

م.ن