سەرنووچە:

عێراقێ ١٢ ملیۆن یۆرۆیێن خۆ یێن بەریا ٣٠ سالان ڤەگەڕاندن

عێراقێ ١٢ ملیۆن یۆرۆیێن خۆ یێن بەریا ٣٠ سالان ڤەگەڕاندن
فۆتۆ: ئەرشیف
2019-03-10

913 جار خوێندراوەتەوە

دەستەیا دەستپاکیا عێراقێ ڤەگەڕاندنا نێزیکی ١٢ ملیۆن یۆرۆیان ژ ئیسپانیایێ ڕاگەھاند، کو ل سالا ١٩٨٨ێ قەڕێ نەفتا بەغدایێ بوو ل دەف یەک ژ کۆمپانیێن ئیسپانی.

 فەرمانگەھا ڤەگەڕاندنێ یا دەستەیا دەستپاکیا عێراقێ د بەیاننامەکێ دا ئەڤرۆ یەکشەمبیێ (١٠ێ ئادارا ٢٠١٩ێ) کو وێنەیەک بۆ دیجیتال میدیایا ئێن ئاڕ تی شاندیە و ئاشکراکریە، ئەو کوژمێ پارەی یێ چەند بارێن نەفتێ یە کو ل سالا ١٩٨٨ێ لگۆری ڕێکەفتنەکێ ب کۆمپانیەکا ئیسپانی دایە و بەرێ ژی ژبەر بڕیارا جڤاتا ئاسایشێ ھاتبوو بلۆک کرن.

ھەروەسا د بەیاننامێ دا ئەو یەک ژی ھاتیە، پشتی گۆتۆبێژکرنا دۆسیەیێ یاداشتەکا لھەڤتێگەھشتنێ ناڤبەرا عێراق ئیسپانیایێ دا ھاتیە ئیمزاکرن، بۆ ڤەگەڕاندنا وی پارەی بۆ وەزارەتا پیشەسازی و کانزایێن عێراقێ، ڤان داویان ژی گەھشتە خەزینەیا ولاتی.

دۆسیەیا پارەیێن عێراقێ ل دەرڤە دۆسیەیەکا ڤەکری و گەرمە، د ڤان دوو سالێن داویێ دا پارلەمان و حکومەتا عێراقێ ھندەک ڕێکارێن دارایی بۆ سەروشنی ڤەگەڕاندنا وان بۆ ولاتی.

س.م