سەرنووچە:

یەکەم جڤینا وەرزێ نوو یا پارلەمانێ عێراقێ بڕێڤەچوو

یەکەم جڤینا وەرزێ نوو یا پارلەمانێ عێراقێ بڕێڤەچوو
فۆتۆ: ئەرشیڤ
2019-03-09

152 جار خوێندراوەتەوە

ب بەرھەڤبوونا محەمەد حەلبوسی سەرۆکێ پارلەمانێ عێراقێ ئەڤرۆ شەمبیێ (٩ێ ئادارا ٢٠١٩ێ) ڕۆنشتنا یەکەم یا وەرزێ دوویێ یا پارلەمانێ عێراقێ بڕێڤەچوو.

 فەرمانگەھا ڕاگەھاندنا پارلەمانێ عێراقێ ڕاگەھاند، ئەڤرۆ محەمەد حەلبوسی د ئاڤاھیێ کەڤن یێ پارلەمانێ عێراقێ دا وەرزێ نوو یێ دەست ب ڕێزە جڤینێن پارلەمانی کر.

د ڕۆنشتنا ئەڤرۆ دا گۆتۆبێژ دەربارەی یەکخستنا بزاڤان بۆ ڕووبڕووبوونا دیاردا گەندەلیا دارایی و ئیداری کرن.

د جڤینێ دا ھەریەک ژ عادل عەبدولمەھدی سەرۆک وەزیران، بەرھەم ساڵح سەرۆک کۆمارێ عێراقێ، سەرۆکێ جڤاتا بلند یا دادوەریی، سەرۆکێ دیوانا چاڤدێریا دارایی و دەستەیا نەزاھە پشکداری کرن.

ئەڤ جڤین دەمەکێ دایە، ھەیا نھا پارلەمان نەشیایە دگەل حکومەتێ کابینەیا عادل عەبدولمەھدی تەمام بکەن، ب تایبەت ھەیا نھا پۆستێن وەزارەتێن بەرەڤانی و ناڤخۆ نەھاتنە تژیکرن، کو دھات چاڤەرێکرن یەکئالیکرنا کابینەیا حکومەتا عەبدولمەھدی تێدا گۆتۆبێژ کربان.

س.م