سەرنووچە:

نووچەگەھانێ ئێن ئاڕ تی ل نەجەفێ ھاتە دەستەسەرکرن

فۆتۆ: ئێن ئاڕ تى
2019-03-08

209 جار خوێندراوەتەوە

ڕێڤەبەریا ئاسایشا نیشتمانی یا نەجەفێ، ل سەر سکالایەکا فالح فەیاز، حسام ئەلکەعبی نووچەگەھانێ ئێن ئاڕ تی دەستەسەرکر.

 ویسام ڕەشید ڕۆژنامەڤان و ھەڤالێ نووچەگەھانێ ئێن ئار تی ڕاگەھاند، ھێزێن ئاسایشا نیشتمانی ب ترۆمبێلەکا سڤیل حیسامێ ھەڤکارێ وان ل سەر جاددەیا موسەننا ل نەجەفێ دەستەسەرکریە و درەنگیا شەڤا پێنجشەمبیێ بۆ ڕێڤەبەریا ئاسایشا نیشتیمانی بریە و پشتڕا ڕادەستی ھێزێن پۆلیسان کریە.

ویسام ڕەشید زەلالکر ژی، دەستەسەرکرنا حسام ئەلکەعبی لسەر سکالەیەکا فالح فەیاز شێورمەندێ ئاسایشا نیشتیمانییە، ب تۆھمەتا بێڕێزیکرن (تەشھیر) لسەر تۆڕێن جڤاکی.

ژئالیێ خۆ ژی ڤە، ڕەوانگەھا ئازادیا ڕۆژنامەڤانان یا عێراقی (JFO) د بەیاننامەکێ دا کو ئەڤرۆ ئەینیێ (٨ێ ئادارا ٢٠١٩ێ) دەرکریە، دیارکریە، ئەو مادەیێن بۆ ڕۆژنامەڤان و چالاکڤانان دھێنە دانان ژ یاسایێن کەڤن یێن سەردەمێ دیکتاتۆریەت و ژناڤبرنێ نە، ئەڤەژی دژی حوکمێن ڕەوش و دەستورێ نھانە.

ڕەوانگەھا ئازادیا ڕۆژنامەڤانان یا عێراقی داخواز ژ فالح فەیاز کر سکالایا خۆ ڤەکێشیت و خۆ ل ھەمبەر نەرینێن ئەلکەعبی بگریت، بێی کو پەنایێ بۆ وان سەدەمان ببەت کو لگۆری ستانداردێن ناڤدەولەتی پشکەکن ژ گڤاشتنان.

س.م