سەرنووچە:

کۆمسیۆنا هەلبژارتنان، هەژمارەک بەربژار بۆ وەرگرتنا هەژمارەک پۆستان دیار کرن

فۆتۆ: 
2019-03-08

238 جار خوێندراوەتەوە

کۆمسیۆنا بلندا سەربخوەیا هەلبژارتنێن عێراقێ ناڤێ هەژمارەک بەربژاران بۆ دامەزراندنا چەند رێڤەبەرێن گشتی بەربژارکرن کو دوو ژ وان تایبەتن ب هەرێما کوردستانێ و ئەندامێن یەکێتی و پارتیێ نە.

ل گۆری نڤیسەکا کۆمسیۆنا بلندا سەربخوەیا هەلبژارتنان، مازن عەبدولقادر خزر ژ پشکا یەکێتیێ وەکی رێڤەبەرێ گشتیێ نڤیسینگەها کۆمسیۆنا هەلبژارتنان ل هەرێما کوردستانێ و یوسف حەسەن ژ پشکا پارتیێ ژی وەکی رێڤەبەرێ نڤیسینگەها دهۆکێ یا کۆمسیۆنێ هاتنە دیارکرن.

هەڤدەم ل سەر پشکا دەولەتا یاسا سەفا لوفتە یونس وەکی رێڤەبەرا گشتیا فەرمانگەها پرۆسەیان و جاسم حەنون ناسر ژی وەکی رێڤەبەرێ گشتیێ فەرمانگەها کارگێریێ هاتنە بەربژارکرن.

ژ هەڤپەیمانیا فەتح ژی کازم جەبر وەکی رێڤەبەرێ گشتیێ نڤیسینگەها هەلبژارتنان ل واست و ژ کوتلەیا حەلبوسی ژی، ئەیاد عەجاج عابد وەکی ئەمیندارێ گشتیێ جڤاتا کۆمسیاران هاتیە بەربژارکرن.

هەر ژ کوتلەیا حەلبووسی، ئەحمەد مزبان دیوان بۆ نڤیسینگەها هەلبژارتنان یا پارێزگەها دیالەیێ و سەعد موزلم عەبدولا ژی بۆ نڤیسینگەها هەلبژارتنان یا موسەننایێ هاتنە بەربژارکرن.

هـ.ج