سەرنووچە:

عێراقێ باوەری دایە ئیرانێ کو هەبوونا هەڤپەیمانیا ناڤدەولەتی ل سەر ئیرانێ گەفان چێناکە

فۆتۆ: 
2019-03-07

206 جار خوێندراوەتەوە

محەمەد حەلبوسی سەرۆکێ پارلەمانا عێراقێ حەسەن رۆحانی پشتراست کریە کو هەڤپەیمانیا ناڤدەولەتی ل سەر ئیرانێ گەفان چێناکە.

دوهی چارشەمی ٦ێ ئادارا ٢٠١٩ێ د جڤینەکێ دا د گەل حەسەن رۆحانی سەرۆک کۆمارێ ئیرانێ، محەمەد حەلبوسی سەرۆکێ پارلەمانا عێراقێ شاندا ئیرانێ پشتراست کریە کو هەڤپەیمانیا ناڤدەولەتی ل سەر ئیرانێ گەفان چێناکە.

حەلبوسی دازانین، هەبوونا هەڤپەیمانیا ناڤدەولەتی ل عێراقێ ب رازیبوونا حکومەتا عێراقێ بوویە و ئارمانجا وێ ژناڤبرنا رێکخستنا داعشێ یە. هەبوونا وێ ژی گەفان ل سەر ئیرانێ چێناکە و رێ نایێ دایین ئاخا عێراقێ بۆ هێرشکرنا سەر وەلاتێن جیران بێ بکارئینان.

هەروەسا دیار کر، عێراق دخوازە ببە ناڤەندا لهەڤهاتن و یەکئالیکرنا ناکۆکیان و هەڤکاریا ئیران و عێراقێ بۆ ڤەگەراندنا ئارامیێ بۆ ناڤچەیێ ژی ب گرنگ دازانین.

د هەڤدیتنا ناڤبەرا هەردوو ئالیان دا، بهێزکرنا پەیوەندیێن دۆستانە و بەرفرهکرنا هەڤبەندیان ژ هێلا ئەولەهی، ئابوری و سیاسی هاتیە گۆتوبێژکرن.

سەرۆک کۆمارێ ئیرانێ ژی پشتەڤانیا وەلاتێ خوە بۆ ئیرانێ ل هەموو واران دا نیشان دایە.

هـ.ج