سەرنووچە:

عادل عەبدولمەھدی بەحسا ئەنجامدانا سەرژمێریا گشتی د عێراقێ دا دکەت

جڤینا جڤاتا بلند یا ئاکنجیان
فۆتۆ: 
2019-03-06

173 جار خوێندراوەتەوە

عادل عەبدولمەھدی سەرۆک وەزیرێ عێراقێ ڕاگەھاند، ئەنجامدانا سەرژمێریا گشتی یا ئاکنجیان، پێنگاڤەکا گرنگە و پێدڤیە گرنگیەکا تەمام پێ بھێتە دان، د بلندترین ئاست دا بەرھەڤی بۆ بھێنە کرن.

 د بەیاننامەکێ دا نڤیسینگەھا عەبدولمەھدی ئەڤرۆ چارشەمبیێ (٦ێ ئادارا ٢٠١٩ێ) بەلاڤکر، جڤاتا بلند یا ئاکنجیان ئەڤرۆ ب سەرۆکاتیا عادل عەبدولمەھدی جڤیا، ب مەرەما گۆتۆبێژکرن دەربارەی بەرھەڤیان بۆ ئەنجامدانا سەرژمێریا گشتی یا ئاکنجیان، کو لگۆری پلانا بۆ ھاتی دانان د پایزا سالا ٢٠٢٠ێ دا بڕێڤەبچیت.

د بەیاننامێ دا دیارکریە، پلان ھاتیە دانان بۆ جیبجیکرنا قۆناغێن ئەنجامدانا سەرژمێریێ و دەمێ پێدڤی بۆ ھاتیە دانان.

ھەروەسا د پشکەکا دی یا بەیاننامێ دا ھاتیە، ئەنجامدانا سەرژمێریا ئاکنجیان پێنگاڤەکا گرنگە، دڤێت گرنگی پێ بھێتە دان و لسەر ئاستێ بلند بەرھەڤی بۆ بھێنە کرن، ژبۆ کو ب ھەڤکاریا ئالیێن پەیوەندیدار بھێتە ئەنجامدانا و بەرھەم ھەبیت.

د داوییا بەیاننامێ دا بەحسا وێ یەکێ کریە، ئەنجامدانا سەرژمێریێ یا گرنگە و مفا و گرنگی بۆ دانانا پلانا گشتگیر ھەیە دەربارەی ڕەوشا ئابووری و جڤاکی و ژیانا خەلکی.

پێشتر وەزارەتا پلاندانا عێراقێ سالا ٢٠٢٠ێ بۆ ئەنجامدانا سەرژمێریا گشتی د عێراقێ دا دیارکریە.

س.م