سەرنووچە:

ئەمریکایێ یەک ژ گروپێن شیعەیێن عێراقێ خستە د لیستا تیرۆرێ دا

ئەکرەم عەباس ڕابەرێ بزاڤا نوجەبا
فۆتۆ: ئەرشیڤ
2019-03-06

246 جار خوێندراوەتەوە

وەزارەتا دەرڤەیا ئەمریکایێ "بزاڤا نوجەبا" خستە د لیستا تیرۆرێ یا ڕێکخراوێن تیرۆرستی دا، کو یەکە ژ گرۆپێن حەشدا شەعبی و ئەکرەم عەباس ڕابەراتیا وێ دکەت.

 د بەیاننامەکێ دا وەزارەتا دەرڤەیا ئەمریکا، کو دوھی ٥ێ ئادارا ٢٠١٩ێ بەلاڤکریە و دایەزانین، ئەو پێنگاڤە بۆ ب ئارمانجگرتن و بێپشککرنا بزاڤا نوجەبا و کەعبی ب خۆیە ژ ھەموو ژێدەرێن داھاتی، کۆ بۆ پلانێن "تیرۆرستی" بکاردئینیت.

دیارکریە ژی، ژبەر وێ یەکێ تەڤایا مولک و مالێ وێ بزاڤی د ناڤا ئەمریکا دا دێ ھێتە بلۆک کرن، دێ مامەلەیا ھەموو وەلاتیێن ئەمریکی ژی دگەل دا قەدەغە کەت.

د پشکەکا دی یا بەیاننامێ دا بەحسا وێ یەکێ کریە، وەزارەتا خەزینا ئەمریکایێ د سالا ٢٠٠٨ێ دا سزا بسەر ئەکرەم کەعبی دا سەپاندیە، کو د سالا ٢٠١٣ێ دا بزاڤا نوجەبا دامەزراندیە.

ب دیتنا ئەمریکایێ بزاڤا نوجەبا یەکە ژ وان گروپێن چەکدار یێن کو ئیران ھاریکاریێ لێ دکەت، ب ڕاستە ڕاست گوتیە، پێگیری ڕێنمای و بڕیارێن عەلی خامەنەئی ڕابەرێ بلندێ ئیرانێ دبن.

س.م