سەرنووچە:

پەرلەمانێ عێراقێ وەرزێ دووێ یێ یاسادانانێ ب ئامادەبوونا سەرۆک وەزیرێ عێراقێ دێ دەستپێکەت

پەرلەمانێ عێراقێ وەرزێ دووێ یێ یاسادانانێ ب ئامادەبوونا سەرۆک وەزیرێ عێراقێ دێ دەستپێکەت
فۆتۆ: 
2019-03-05

200 جار خوێندراوەتەوە

ڕۆژا شەمبی وەرزێ دووێ یێ یاسادانانێ ل پەرلەمانێ عێراقێ دەستپێکەت و د یەکەم ڕوونشتن دا دێ مێڤانداریا عادل عەبدولمەهدى و سێ بەرپرسێن بلند یێن حکومەتێ دکەت.

لگورى خشتەیێ کاری پەرلەمانێ عێراقێ، جڤینا پەرلەمانێ عیراقێ دێ دەمژمێر یەکێ  پشتى نیڤرۆ ڕۆژا شەمبی ٩ێ ئادارا ٢٠١٩ێ بیت، دێ تایبەت بیت ب گۆتۆبێژکرنا ل سەر یەکخستنا  بزاڤان بۆ بەرهەنگاربوونا گەندەلیا ئیدارى و دارایی، بۆ وێ مەرەمێ ژى دێ مێڤانداریا عادل عەبدولمەهدى سەرۆک وەزیرێ عێراقێ کەت.

ژبلى سەرۆک وەزیران ژى، هەر یەک ل سەرۆکێ جڤاتا بلندیا دادوەران و سەرۆکێ دیوانا چاڤدێریا دارایی ب وەکالەت و سەرۆکێ دەستەیا دەستپاقژیێ ب وەکالەت دێ ئامادەى ڕوونشتنێ بن.

هەر د کارنامەیا ڕۆنشتنێ دا، ئاماژە ب هەبوونا گوتارا سەرۆک کومارێ عێراقێ کریە و دێ بەرى دەستپێکرنا روونشتنا پەرلەمانى بیت.

زێدەترى مەهەکێ یە پەرلەمانی عێراقێ د بهینڤەدانێ دایە، پشتى کو یاسایا بودجەیێ سالا ٢٠١٩ ێ ب زوورینەیا دەنگێن پەرلەمانى هاتینە پەسەند کرن.

م.ن