فۆتۆ:
2019-03-05
160 جار خوێندراوەتەوە
وەزیرێ کەهرەبا عێراقێ راگەهاند، وەلاتێ وی هەیا داویا ئیسال ل سەر ئانینا ١١٠٠ میگاوایتێن کەهرەبێ ژ ئیرانێ بەردەوام دبە.
لوئەی خەتیب د داخویانیەکا رۆژنامەڤانی دا کو د چارچۆڤەیا چالاکیێن ئابوری دا ل بەغدایێ پێشکێش کر دازانین، ئانینا کەهرەبێ ژ ئیرانێ دەمکیە و کەنگی وەبەرئینانا غازێ بۆ بەرهەمئینانا کەهرەبێ تەمام بوو دێ ئانینا کەهرەبێ بێ راوەستاندن.
دەربارێ دەینێن ل سەر عێراقێ ژی کو ژ بەر ئانینا کەهرەبێ ژ ئیرانێ ل سەر عێراقێ کۆم بوویە، وەزیرێ کەهرەبا عێراقێ دیار کر، هەر دوو ئالی ل سەر رێکارێن پێدڤی رێکەتنە و سازیێن بانکی وان پرسان رێکدخەن.
ب سەدەما شەر و دۆرپێچان و تێچوونا ژێرخانا ئابوری، عێراق زێدەتر ژ هەزار میگاوایتێن کەهرەبێ ژ ئیرانێ تینە.
هـ.ج