سەرنووچە:

عێراقێ داخواز ژ فینلەندایێ کر، ب زۆرێ پەنابەرێن عێراقێ نەشینە

فۆتۆ: 
2019-02-23

191 جار خوێندراوەتەوە

کۆمسیۆنا مافێ مرۆڤان ل عێراقێ داخواز ژ حکومەتا فینلەندایێ کر، ب زۆر شاندنا پەنابەرێن عێراقێ ب هەر سەدەمەکێ راوەستینە و ئەو یەک ژی وەکی بنپێکرنا رێکەتنا کۆچبەر و پەنابەران ب ناڤ کر.

فازڵ غەزاوی ئەندامێ کۆمسیۆنا مافێ مرۆڤان ل عێراقێ د گەل نونەرێ شاندەکا سازیا نیشتمانیا فینلەندایێ بۆ کۆچبەران جڤیا.

د جڤینێ دا غەزاوی داخواز ژ دەستهەلاتدارێن وی وەلاتی کر ب زۆرێ پەنابەران نەشینن و دازانین ب زۆرێ شاندنا پەنابەران بەرڤاژی رێکەتنا تایبەت یا پەنابەران یا سالا ١٩٥١ێ یە.

ژ ئالیەکی دن ڤە نۆفل موسا وەزیرێ کۆچ و کۆچبەرێن عێراقێ، تەئکید ل سەر دابینکرنا ئەولەهی و ژیانا وان ئاوارەیان کر کو بۆ عێراقێ تێن ڤەگەراندن و دژایەتیا خوە ژی لهەمبەر ب زۆرێ شاندنا پەنابەران نیشان دا.

سازیا نیشتمانیا فینلەندایێ بۆ کۆچبەران سالا دەرباسبوویی داخوازا گۆتوبێژان د گەل حکومەتا عێراقێ بۆ ڤەگەراندنا پەنابەرێن عێراقی کو داخوازا وان یا پەنابەریێ هاتیە رەتکرن کربوو.

هـ.ج