سەرنووچە:

عێراقێ رووفاتا ٣٠٠ دیلێن کوەیتێ رادەستى وى وەلاتى کر

فۆتۆ: 
2019-02-22

236 جار خوێندراوەتەوە

حکومەتا عێراقێ رووفاتا ٣٠٠ دیلێن کوەیتێ رادەستى وێ حکومەتێ کرن کو ژ ئالیێ رژێما بەعس ڤە هاتبوون کوشتن.

رەشید فلەیح ئەندامێ لیژنەیا گەریان د دووڤ بێسەروشین بوویێن عێراقى و کوەیتیان دا و رێڤەبەرێ پۆلیسێن بەسرەیێ راگەهاند، هەژمارا کوەیتیێن بێسەروشین بووى ل عێراقێ ٦١٣ کەسن و هەیا نها هستیێن ٣٠٠ تەرمان دیتنە و رادەستى حکومەتا کوەیتێ کرنە.

هەروەسا دازانین، بەردەوامن ژ کارێن خوە بۆ دیتنا رووفاتێن بێسەروشینان و د نها دا ل زیقارا باشورێ عێراقێ بۆ وێ مەرەمێ دەست ب کار کریە.

د چەند رۆژێن دەرباس بووى دا ئاسایشا ناڤدەولەتى داخواز ژ حکومەتا عێراقێ کر، بەردەوام بیت ژ کارێن خوە بۆ چارەسەر کرنا ئاریشەیا بێسەروشین بوویێن کوەیتێ.

بەریا نها کوەیتێ راگەهاند بوو، د دەما هێرشا عێراقێ بۆ سەر کوەیتێ د سالا١٩٩٠ێ دا سێ سەد و ٢٠ وەلاتى بێسەروشین بوون، عێراقێ ژى ئاماژە ب وێ یەکێ کریە زێدەتر ژ پێنج هزار سەربازێن وان بێسەروشین بوونە.

م.س