سەرنووچە:

فەتح و سائیرون ل سەر تژیکرنا وەزارەتێن بەتال رێکەتن

فۆتۆ: 
2019-02-21

223 جار خوێندراوەتەوە

هەڤپەیمانیا فەتح و سائیرون ل سەر تژیکرنا وەزارەتێن ناڤخوە و بەرەڤانیێ رێکەتن، د دەمەکێ دا هەڤرکیێن د ناڤبەرا پارتى و یەکێتیێ دا ل سەر داد و پەروەردەیێ و لیستێن سوننەیان بەردەوامن.

محەمەد غزیى پەرلەمانتارێ سائیرون کو ئەندامێ لیژنەیا شەش قولى یا هەڤبەشا ناڤبەرا هەڤپەیمانیا فەتحا حەشدا شەعبى و سائیرونا سەدر د داخویانیەکا رۆژنامەڤانیی دا کو پێنج شەمبیێ ٢١ێ سباتا ٢٠١٩ێ راگەهاند، هەردوو ئالیێن هەڤرکێن شیعە ل سەر وەزارەتێن ڤالا یێن عادل عەبدولمەهدى رێکەتن، ئەو یەک ژى ب پێشکێشکرنا ناڤێ نوو و دوور خستنا وان ناڤێن د دەما دەرباس بووى دا ئالوزى ل سەر هەبوو.

ب گوتنا غزیى، لیژنەیا هەڤبەش رێکەتن دوو ناڤێن نوو ل شونا فالح فەیاز و فەیسەل جەبار بۆ وەزارەتا ناڤخوە و بەرگریێ پێشکێشى عەبدولمەهدى بکەن.

هێشتا ئالوزى و هەڤرکى د ناڤبەرا پارتى و یەکێتیێ ل سەر تژیکرنا وەزارەتا داد بەردەوامە ژبەر وێ یەکێ نەکارینە بەربژێرەکێ بۆ وى پۆستى پێشکێش بکەن کو هەیا نها ژ ئالیێ بەنگین رێکانى کو ل سەر پارتیە ب وەکالەت دهێتە برێڤە برن.

م.س