سەرنووچە:

عێراق.. کۆمسیۆنا هەلبژارتنان ل بەندا حکومەتێ بۆ نووکرنا گرێبەستا کارمەندانە

فۆتۆ: 
2019-02-20

272 جار خوێندراوەتەوە

دیجیتاڵ میدیایا ئێن ئاڕ تى، هەولێر، هێرش قادر

رزگار حاجی حەمە ئەندامێ جڤاتا کۆمسیارێن عێراقێ دازانین، ل بەندا عادل عەبدولمەهدی سەرۆک وەزیرێ عێراقێ نە داکو گرێبەستا کارمەندێن کۆمسیۆنێ نوو بکن.

رزگار حاجی حەمە د داخویانیەکێ بۆ دیجیتاڵ میدیایا ئێن ئاڕ تی دیار کر، بەرێ حکومەتا عێراقێ ب نڤیسەکا فەرمی هاتیە ئاگەهدارکرن ئامادەنە د ١٦ێ مژدارا ٢٠١٩ێ دا هەلبژارتنا جڤاتا پارێزگەهێن عێراقێ بێن لدارخستن، لێ هەیا نها حکومەتا عێراقێ بەرسڤا نڤیسا وان نەدایە.

هەروەسا گۆت:" ٢٨ێ ڤێ مەهێ وەکی دەم بۆ عادل عەبدولمەهدی هاتیە دانین کو بەرسڤا وان بدە و ئەگەر هەیا وێ دەمێ بەرسڤا وان نەیێ دایین دێ بریارەکا دن بدن.

ئەندامێ جڤاتا کۆمسیارێن عێراقێ دەستنیشانکر کو نووکرنا گرێبەستێن کارمەندێن کۆمسیۆنێ تەڤاهیا پارێزگەهێن عێراقێ ڤەدگرە و بۆ هەر بنکەیەکێ ژی شەش گرێبەست تێن نووکرن، لێ ل سلێمانی و هەولێر و دهۆکێ ب تەنێ بۆ هەر بنکەیەکێ گرێبەستا سێ کەسان دێ بێ نووکرن.

هەیا نها ژی ب ئاوایەکێ فەرمی دەما هەلبژارتنا پارێزگەهێن عێراقێ نەهاتیە دیارکرن، لێ کۆمسیۆنا بلندا سەربخوەیا هەلبژارتنێن عێراقێ ئامادەیە د ١٦ێ مژدارێ دا هەلبژارتنان برێڤە ببە.

هـ.ج