سەرنووچە:

ژ ھێلا یەدەکێ زێری عێراق د ڕێزا چارێ یا ولاتێن عەرەبی دا جھێ خۆ گرت

ژ ھێلا یەدەکێ زێری عێراق د ڕێزا چارێ یا ولاتێن عەرەبی دا جھێ خۆ گرت
فۆتۆ: ئەرشیف
2019-02-19

259 جار خوێندراوەتەوە

لگۆری زانیاریێن جڤاتا زێرێ جیھانێ، بڕێ یەدەکێ زێرێ عێراقێ د سێ مەھێن داویا سالا ٢٠١٨ێ دا گەھشتیە ٩٦ تەنان، ب ڤێ یەکێ ژی کەتیە ڕێزا پێشیێ یا چەند ولاتێن عەرەبی، ل جھێ یەدەکێ کانزایێن بنرخ.

 جڤاتێ دیارکریە ژی، بسەدەما ئالۆزیێن سیاسی و بازرگانی، دگەل سیاسەتا سزایێن کو واشنتۆن کارپێدکەت، ھەژمارەکا بانکێن جیھانی پالدانە ژبۆ کو بڕێ کڕینا زێری زێدە بکەن.

لگۆری ڕاپۆرتێ دەولەتێن عێراق، ھیندستان، چین و کازاخستان ژ کڕیارێن مەزنێن زێری بوونە د سالا ٢٠١٨ێ دا.

ھەروەسا لگۆری داتا و زانیاریان، عێراقێ یەدەکێ زێرێ خۆ د سالا بووری دا زێدەکریە و د وێ سالێ دا ژی بڕێ شەش تەن و ٤٥٠ کیلۆیێن زێری کڕینە، ب ڤێ یەکێ ژی بڕێ زێری د بانکا ناڤەندیا عێراقێ دا بۆ ٩٦ تەن و ٣٠٠ کیلۆیان بلندبوویە.

ھەر لگۆری ڕاپۆرتێ، عێراق لسەر ئاستێ جیھانێ دەرباسی پلەیا ٣٧ێ و لسەر ئاستی ولاتێن عەرەبی ژی د پلەیا چارێ دایە ژ ھێلا ھەبوونا یەدەکێ زێری، ب ڤێ یەکێ ژی دەرباسی پێشیا ھەریەک ژ ولاتێن کوەیت کو خۆدانا ٧٩ تەنانە، قەتەر ٣١ تەن و ئیمارات ٧ تەن و ٥٠٠ کیلۆیایە.

س.م