سەرنووچە:

بالیوزێ ئەمریکا ل بەغدایێ زەلالکرنەک ل سەر ڤەلڤینێن سەربازى یێن ولاتێ خۆ بەلاڤکر

بالیوزێ ئەمریکا ل بەغدایێ زەلالکرنەک ل سەر ڤەلڤینێن سەربازى یێن ولاتێ خۆ بەلاڤکر
فۆتۆ: 
2019-02-19

314 جار خوێندراوەتەوە

بالیوزێ ئەمریکا ل بەغدایێ ڕەتکر کو ڤەلڤینەکا سەربازى یا ئەمریکایێ ل عێراقێ هەبیت و ڕاگەهاند، ئەمریکایێ ب چ ئاوایەکێ مە شەر دگەل ئیرانێ نەڤێت.

جودى هود ڕێکخەرێ کاروبارێن بالیوزخانەیا ئەمریکا ل بەغدایێ د داخویانیەکێ دا بۆ هەژمارەکا دەزگەهێن میدیایی ڕاگەهاند، بەلگەیێن ئالوزیێن میدیایان یێن ب ئەنقەست هەنە، کو بەحسا هەبوونا ڤەلڤینین سەربازى یێن ئەمریکایێ و بەلاڤکرنا ب هزاران سەربازان ل عێراقێ دکەن.

زەلال ژى کر، ئەو وێنەیێن ل سەر هێزێن ئەمریکایێ هاتنە بەلاڤکرن بۆ سالا ٢٠٠٦ێ ڤەدگەرن.

د پشکەکا دى دا گوتنێن خۆ دا هەمى ئەو زەلال کرن و زانیارى یێن هەین دوورن ل ڕاستیێ.

دەربارەى ئالوزیێن ولاتێ خۆ دگەل ئیرانێ، لێپرسراوێ بالیوزخانەیا ئەمریکایێ ل بەغدایێ تەکەز کر، دونالد ترەمپ سەرۆکێ ویلایەتێن هەڤگرتى یێن ئەمریکایێ ب چ ئاوایەکێ وان شەر دگەل ئیرانێ نەڤێت.

دیار ژى کر، هێزێن ولاتی وى ب چ ئاوایەکی ئەسمانێ عێراقێ بۆ سەر دەولەتەکێ بکار نائینیت.

هەر دەربارەى وێ چەندێ سەرۆکێ ئەمریکایێ ڕاگەهاند،  پێنگاڤان ناهاڤێن بۆ شەرەکێ کو پێدڤیا وان پێ نەبیت، لێ دێ پێنگاڤێن سەپاندنا دورپیچێن ئابورى و گڤاشتنێن دبلوماسی کەین.

دوهى ژى لیپرسراوەکێ سەربازى یێ ئەمریکى ڕاگەهاندبوو، د ناڤخۆیا عێراقێ دا وان نێزکى ٥ هزار سەرباز هەنە، هەیا نها پلانەک نینە کو ل وى ولاتى خۆ ب ڤەکێشین.