سەرنووچە:

٣ چالاکڤانێن دهۆکێ ب کەفالەت هاتن ئازادکرن

د دەما بوویەرێن شێلادزێ دا هاتبوون گرتن
فۆتۆ: 
2019-02-17

791 جار خوێندراوەتەوە

دیجیتاڵ میدیایا ئێن ئاڕ تی ، دهۆک، بێوار حلمی 

ژ کۆما ١٨ رۆژنامەڤان و چالاکڤانێن کو د دەما بوویەرێن شێلادزێ و خوەپیشاندانێن دهۆکێ دا هاتبوون گرتن، ٣ کەس ب کەفالت هاتن ئازادکرن.

ئەحمەد یوسف پارێزەرێ خوەبەخش بۆ دیجیتاڵ میدیایا ئێن ئاڕ تی راگەهاند، بەدەل بەرواری، ئەیاز کەرەم و سەباح عەبدول سێ چالاکڤانێن کو پشتی بوویەرێن شێلادزێ هاتبوون گرتن، ئەڤرۆ ب کەفالەت هاتن ئازادکرن.

ئەحەمد یوسف دیار کر رۆژناڤەمان و چالاکڤانێن دهۆکێ ل گۆری یاسایا ١٥٦ یا یاسایا عێراقێ هاتنە گرتن و هێژ ژی ل گۆری وێ یاسایێ تێن تۆمەتبارکرن.

٢٦ێ چلەیا ٢٠١٩ێ وەلاتیێن شێلادزێ و ناحیا سیریێ یێن گرێدایی قەزایا ئامێدیێ پشتی بۆمبەبارانا بالافرێن ئارتێشا تورکیایێ کو ببوو سەدەما شەهیدبوونا ٥ وەلاتیێن سڤیل و وەندابوونا دوو وەلاتیێن دن، دەست ب خوەپیشاندانێ کرن و ب سەر بارەگەها سەربازی یا تورکیا دا گرتن و هەژمارەک ترومبێل و ئالاڤێن لەشکەری شەوتاندن.

د ئەنجاما تەقەیا راستەراست یا هێزێن تورکیا دا گەنجەکێ ١٣ سالی شەهید بوو و نێزیکی ١٠ کەس ژی بریندار بوون.

پشتی بوویەران ئاسایشا دهۆکێ دەست ب گرتنا تیمێن ئێن ئاڕ تی و ئۆفیسا ئێن ئاڕ تی ل دهۆکێ گرت و هەژمارەک چالاکڤان ژی هاتن گرتن.

پشتی چەند رۆژان هەژمارەک چالاکڤان و رۆژنامەڤان هاتن ئازادکرن، لێ ١٨ کەس هەیا نها ژی د زیندانێ بوون و پشتی ئازادکرنا ٣ کەسان ١٥ کەسێن دن هێژ ژی د زیندانێ دا هاتنە هێشتن.

ئەو یەک ژی د دەمەکی دایە کو هەتا نها ئۆفیسا ئێن ئاڕ تی کو ژ ئالیێ ئاسایشێ ڤە هاتبوو گرتن، نەهاتیە ڤەکرن.

هـ.ج