سەرنووچە:

ئەڤرۆ و سوبەهى ماموستایێن عێراقێ گرەڤێ دگرن

فۆتۆ: 
2019-02-17

239 جار خوێندراوەتەوە

نەقیبێ سەندیکایا ماموستایێن عێراقێ راگەهاند، ئەڤرۆ سوبەهى ١٧ێ و ١٨ێ سباتێ ماموستایێن تەڤایا عێراقێ ژبلى هەرێما کوردستانێ گرەڤێ دگرن و چەند داخوازیەکان دکەن.

عەباس کازم نەقیبێ ماموستایێن عێراقێ راگەهاند، ب رێیا ڤێ گرەڤ گرتنێ نامەیەکێ ئارستەیى حکومەت و پەرلەمانێ عێراقێ دکەن کو چەندین دخوازیێن پەروەردەیێ بۆ باشترکرنا سیستەمێ پەروەردەیێ د وى وەلاتى دا تێدانە.

هەروەسا دازانین، داخوازى ژ باشکرنا سیستەمێ پەروەردەیێ و تژەکرنا وان کێم و کاسیان کو وەکریە ئاستێ پەروەردەیێ ل عێراقێ دا داکەڤیت.

ئەو یەک دیار کر، داخواز دکەن بودجەیەکێ شایستە بۆ وەزارەتا پەروەردێ بهێتە دابین کرن ژبو کو بکارن خولێن پێگەهاندن و پسپۆریێ زێدەتر بۆ بلند کرنا ئاستێ ماموستایان بهێنە ڤەکرن و هەروەسا مووچە و بژێویا ماموسایان بهێتە باش کرن.

نەقیبێ ماموستایێن عێراقێ ئەشکەرە کر، ئەڤ گرەڤ گرتنە تەنێ دوو رۆژان ڤەدکێشە کو تەڤایا قوتابخانەیان و تەڤایا پارێزگەهێن ناڤەراست و باشورێ عێراقێ ڤەدگرە لێ ماموستایێن هەرێما کوردستانێ ڤەناگرە.

م.س