سەرنووچە:

ئاژانسەکا نووچەگەهانى بەحسا دورپێچکرنا ئەبوبەکر بەغدادى دکەت

فۆتۆ: 
2019-02-16

505 جار خوێندراوەتەوە

ئاژانسا نووچەگەهانى یا پەترای یا ئوردنى ئەڤرۆ ڕۆژا شەمبى ١٦ێ سباتا ٢٠١٩ێ بەلاڤکر، دبیت ئەبوبەکر بەغدادى سەرۆکی ڕیکخراوا داعش  دگەل پێنج ژ وەزیران ل دەڤەرە بچوک یا سنورى یا د ناڤبەرا عێراق و سوریا یێ دا هاتبنە دورپێچکرن.

ئاژانسێ ژ زارێ چەند ژێدەرێن ئەولەهیا عێراقێ بەلاڤکر، هێزێن ئەمریکى چەکدارێن داعش دورپێچکرنە و ل داوى پێگەهێ خۆ ل ناڤخۆیا سوریایێ، ب دیارکری ژى ل دەڤەرەکا بچوک یا پارێزگەها دێرەزورێ یە.

ئاژانسێ ئاشکرا ژى کر، دەڤەر ل حەفت کیلومەتران دەرباس نابیت و نێزیکە ژ سنورێ عیراق و سوریایێ.

هەروەسا دازانین، هێزەکا عێراقى چاڤدێریا ئۆپراسیۆنێ دکەت بۆ رووبروو بوونا هەر پێشهاتەیەکێ کو چێ ببیت، بۆ رێگریێ ژ چەکدارێن داعشێ بۆ ناڤ ئاخا عێراقێ بهێتە کرن.

ژ ئالیەکێ دن یەحیا رەسول بەردەفکێ ئۆپراسیۆنێن هەڤپشک د داخویانیەکا رۆژنامەڤانى دا راگەهاند، " ئەگەر جهێ خۆ ڤەشارتنا بەغدادى بزانین بلەز دێ کەینە ئارمانج و دێ ژناڤ بەین".

م.ن