سەرنووچە:

گومرکا هەرێمێ رێنمایێن جێبەجێکرنا بنەمایێن نوو یێن گومرکى بەلاڤکر

فۆتۆ: 
2019-02-15

1252 جار خوێندراوەتەوە

د نڤیسارەکێ دا رێڤەبەراتیا گشتیا گومرکێ رێنماییێن وەرگرتنا گومرکى د دەما جێبەجێکرنا بنەمایێن نوو یێن گومرکى بەلاڤکر، لگورى نڤیسارێ ژى ل ١٧ێ سباتا ٢٠١٩ێ دێ چیتە د بیاڤێ جێبەجێکرنێ دا.

ل گورى رێنماییان، هەمى کرێ و کرێیێن پشکنین، باج و خزمەتگوزارى ل سەر مەنەڤێست ب دۆلار دێ هێتە تۆمارکرن.

د رێنمایێن رێڤەبەراتیا گشتیا گومرکا هەرێمێ دا یا هاتى، کرێیا پشکنینا گومرکى ب دۆلار و هەیا دوو تەن دێ هێتە وەرگرتن، هەروەسا کرێیا پشکنینا گومرکێ ژى ١٧ێ دۆلار و بۆ سەر کێشا دوو تەنیێ دێ هێتە وەرگرتن.

هەر لگورى ئەوان ڕێنماییان، باجا دەرامەتى ٣%ێ ڕەسما گومرکى دێ هێتە وەرگرتن ب دۆلارى، نرخێ فۆرمێ سێ دۆلار، پشکنینا کشتوکاڵى حەفت دۆلار، هەر یەکە ژ پشکنینا ڤێتێرنەریێ و ساخلەمیێ ١٣ دۆلار، پشکنینا کۆنترۆڵیا جۆرى ١٣ دۆلار، پشکنینا تاقیگەها بیناسازى حەفت دۆلار، هەر یەک ژ قەپانە و عمولەیا بانکێ پێنج دۆلار، پشکنینا سوتەمەنیێ ئینانێ نەهـ دۆلار، نرخێ تابلۆیا ئۆتۆمبێلێ ١٣ دۆلار دێ هێنە وەرگتن.

پێشتر دەستەیا گشتى گومرکى یا عێراقێ راگەهاند، د ١٧ێ ڤێ مەهێ دا بریارا تایبەت ب رێنمایێن گومرکى ل هەرێم و بەغدایێ دێ چیتە بیاڤێ جێبەجێکرنێ دا و خالێن گومرکى یێن ناڤبەرا هەرێم و بەغدایێ ژى دێ هێنە راکرن.

م.س