سەرنووچە:

عێراقێ ڕێزا جارێ یا بەرھەمئینانا نەفتێ لسەر ئاستێ جیھانێ گرتیە

عێراقێ ڕێزا جارێ یا بەرھەمئینانا نەفتێ لسەر ئاستێ جیھانێ گرتیە
فۆتۆ: ئەرشیڤ
2019-02-12

241 جار خوێندراوەتەوە

لگۆری ڕاپۆرتەکا دامەزراوەیا (GFP) بۆ ڕیزبەندیێ لسەر ئاستی جیھانێ، د نھادا عێراق د پلەیا چارێ یا بەرھەمئینانا نەفتێ دا دھێت.

 لگۆری راپۆرتێ، ڕوسیا د پلەیا یەکێ دایە د بەرھەمئینانا نەفتا خاڤ دا، ب ئاوایەکێ برێ بەرھەمێ ڕۆژانە دگەھیتە  ١٠ ملیۆن و ٥٥٠ ھزار بەرمیلێن نەوفتێ د ڕۆژەکێ دا، پشتی وێ ژی سعودیە دھێت کو ڕۆژانە بڕێ ١٠ ملیۆن و ٤٦٠ ھزار بەرمیلێن نەفتا خاڤ بەرھەم دئینیت، دپلەیا سێیێ ژی دا ویلایەتێن ھەڤگرتیێن ئەمریکایە کو ڕۆژانە بڕێ ٨ ملیۆن و ٨٨٠ ھزار بەرمیلان بەرھەم دئینیت.

د ڕاپۆرتێ دا بەحسا وێ یەکێ ژی کریە، ولاتێ عێراقێ د پلەیا چارێ دا دھێت و د ڕێزا مەزنترین دەولەتێن بەرھەمئینانا نەفتا خاڤ د جیھانێ دا دھێت، ب ئاوایەکێ ڕۆژانە شیانێن بەرھەم ئینانا ٤ ملیۆن و ٤٥٢ ھزار بەرمیلێن نەفتا خاڤ ھەیە.

پشتی وێ ژی ئیران ب پلەیا پێنجێ دھێت کو ڕۆژانە شیانێن  ٤ ملیۆن و ٦٨ ھزار بەرمیلێن نەفتێ ھەنە و پشتی وێ ژی ولاتێ چینێ دھێت کو ڕۆژانە شیانێن بەرھەمئینانا ٣ ملیۆن و ٩٨١ ھزار بەرمیلێن نەفتێ ھەنە، د پلەیا حەفتێ ژی دا کەنەدا دھێت کو ڕۆژانە شیانێن بەرھەمئینانا ٣ ملیۆن و ٦٧٩ ھزار بەرمیلێن نەفتێ ھەنە.

د داوییا ڕاپۆرتێ دا ئەو یەک ژی دیارکریە، دەولەتا ئیماراتا ھەڤگرتیا عەرەبی د پلەیا ھەشتێ دھێت د بەرھەمئینانا نەفتێ دا لسەر ئاستێ جیھانێ، ڕۆژانە شیانێن ٣ ملیۆن و ١٠٦ ھزار بەرمیلێن نەفتێ ھەنە، دەولەتا کوەیتێ ژی د پلەیا نەھێ دایە کو ڕۆژانە شیانێن بەرھەمئینانا ٢ ملیۆن و ٩٢٤ ھزار بەرمیلێن نەفتا خاڤ ھەنە. داویی ولات ژی د پلەیا دەھێ دایە وڵاتێ بەرازیلە کو ڕۆژانە شیانێن بەرھەمئینانا ٢ ملیۆن و ٥١٥ ھزار بەرمیلان ھەیە د ڕۆژەکێ دا.

عیراق و پشکەک ژ ولاتێن کەنداڤ بۆ بدەستخستنا بودجە و داھاتێ گشتی ب پلەیا یەکێ پشتا خۆ ب داھاتێ نەفتێ گرێددەن، ھەر بلندبوون و داکەفتنەک یا نرخێ نەفەتێ د بازارێن وزەیێ دا باندۆری لسەر بودجە و داھاتێ گشتی یێ ولاتی دا دروست دکەت.

س.م