سەرنووچە:

دەزگەھێ لوتکە: پەنابەرەکێ عێراقی ھەڤژینا خۆ کوشت

دەزگەھێ لوتکە: پەنابەرەکێ عێراقی ھەڤژینا خۆ کوشت
فۆتۆ: ئەرشیڤ
2019-02-12

505 جار خوێندراوەتەوە

ئاری جەلال سەرۆکێ دەزگەھێ لوتکە بۆ کاروبارێن ئاوارە و پەنابەران دیارکر، پەنابەرەکێ عێراقی د یەک ژ کەمپێن ڕێکخراوا یوئێن دا ل ولاتێ تورکیایێ ھەڤژینا خۆ کوشت و تەرمێ وێ بۆ عێراقێ دێ ھێتە ڤەگەڕاندن.

 ئاری جەلال د داخویانیەکێ دا بۆ دیجیتال میدیایا ئێن ئاڕ تی ڕاگەھاند، "ڕۆژا پێنجشەمبیێ ٧ێ سباتا ٢٠١٩ێ پەنابەرەکێ عێراقی د یەک ژ کەمپێن یوئێنێ دا ل باژارێ بۆلۆیێ تورکیایێ ب کێران ھەڤژینا خۆ کوشتیە". 

گوت ژی، پشتی بوویەرێ ھێزێن ئەولەھیێ گەھشتنە جھێ بوویەرێ و ئەو کەسە دەستەسرکرنە.

سەرۆکێ دەزگەھێ لوتکە بۆ کاروبارێن ئاوارە و پەنابەران بەحسا وێ یەکێ کر ژی، "ئەو زەلامە ناڤێ وی (ح،ف،ھـ) و ھەڤژینا وی ژی ناڤێ وێ (س،ج،م) بوویە و خۆدانێن چار زارۆکانە، سەدەما کوشتنێ ژی ئاریشەیا جڤاکی و دژواری و ئاستەنگیێن ژیانا پەنابەریا وان بوویە".

ھەروەسا زەلالکر، بریارە چارشەمبیێ ب بزاڤێن دەزگەھێ وان تەرمێ ژنێ دگەل چار زارۆکێن وێ بۆ عێراقێ بھێنە ڤەگەڕاندن.

س.م